एकनाथ शिंदेंच्या बंडखोरीनंतर प्रताप सरनाईक यांचे 'ते' पत्र व्हायरल

शिवसेनेच्या एकनाथ शिंदे यांनी आमदारांसह बंडखोरी केली आहे.
एकनाथ शिंदेंच्या बंडखोरीनंतर प्रताप सरनाईक यांचे 'ते' पत्र व्हायरल
Pratap SarnaikSaam Tv

मुंबई: विधान परिषद निवडणुकीच्या (Election) दुसऱ्याच दिवशी शिवसेनेत (Shivsena) उभी फूट पडल्याचे दिसत आहे. काल (मंगळवार) शिवसेनेचे नाराज नेते व मंत्री एकनाथ शिंदे यांनी बंड करून शिवसेना आमदारांच्या एका गटासह सुरत गाठले होते. त्यांच्यासोबत ३३ आमदार असल्याचे बोलले जात आहे. यामुळे राज्यातील महाविकास आघाडी सरकार अडचणील आल्याचे बोलले जात आहे. या पार्श्वभूमीवर आता शिवसेनेचे आमदार प्रताप सरनाईक यांचे एक जुने पत्र सोशल मीडियावर (Social Media) व्हायरल झाले आहे. काही महिन्यांपूर्वीच प्रताप सरनाईक यांनी भाजपसोबत जाण्याचा प्रस्ताव ठेवल्याचे समोर आले आहे. (Eknath Shinde latest News)

काल रात्रीपासून हे पत्र सोशल मीडियावर व्हायरल झाले आहे. एकनाथ शिंदे (Eknath Shinde) यांच्यासह शिनसेनेच्या ३३ आमदारांनी बंड केले आहे. या आमदारांनी भाजपसोबत जाण्याचा प्रस्ताव ठेवला आहे. शिंदे यांनी काल मुख्यमंत्री उद्धव ठाकरे यांच्यासमोर हा प्रस्ताव ठेवला होता, पण ठाकरे यांनी हा प्रस्ताव नाकारला असल्याचे बोलले जात आहे.

Pratap Sarnaik
व्हय की, ताेंड लपवणारा आमदार आपलाच ! एकनाथ शिंदेंचा व्हिडीओ व्हायरल; गावात चर्चाच चर्चा

'गेल्या दिड वर्षात आपण मुख्यमंत्री म्हणून चांगले काम केले आहे. कोरोना काळात आपण केलेल्या कामाचे कौतुक अनेकांनी केले आहे, पण महाविकास आघाडी सरकारमध्ये शिवसेनेच्या कार्यकर्त्यांवर अन्याय होत आहे. राष्ट्रवादीचे नेते सेनेच्या कार्यकर्त्यांना फोडण्यात येत आहे, तसेच ईडीपासून वाचण्यासाठी सोबत असणाऱ्या पक्षातील नेते केंद्रीय नेतृत्वासोबत संधान साधत आहेत. तर आपल्या नेत्यांना ईडीकडून त्रास दिला जात आहे, असं या पत्रात म्हटले आहे.

'पुढच्या वर्षी मुंबई, ठाणेव अन्य महापालिकांच्या निवडणुका आहेत. आतापर्यंत राज्यात आपली युती तुटली असली तरी, युतीच्या नेत्यांसोबत आपले संबंध चांगले आहेत. ते संबंध तुटण्याआधी परत जुळवून घेतलेले बरे होईल, तर त्याचा फायदा आमच्यासारख्या कार्यकर्त्यांना आणि शिवसेनेला (Shivsena) भविष्यात होईल अस या पत्रात प्रताप सरनाईक म्हणाले आहेत.

Pratap Sarnaik
संध्याकाळी ५ पर्यंत मुंबईत या, अन्यथा...; शिवसेनेकडून बंडखोरांना शेवटचा इशारा
Pratap Sarnaik
Pratap SarnaikSaam Tv
Pratap Sarnaik
Pratap SarnaikSaam Tv

गेल्या दोन दिवसापासून हे पत्र व्हायरल झाले आहे. या पत्रात ज्या मागण्या गेल्या वर्षी प्रताप सरनाईक यांनी केली होती, त्याच मागण्या आता एकनाथ शिंदे यांनी केल्या असल्याचे दिसत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com