Pimpri Chinchwad : गर्लफ्रेंडसमोर मारहाण झाल्यानं युवकानं केली आत्महत्या; एकावर गुन्हा दाखल

Pimpri Chinchwad : गर्लफ्रेंड (girlfriend) समोर मारहाण केली म्हणून एका युवकानं (बॉयफ्रेंड) आपल्या राहत्या घरात आत्महत्या केली. ही घटना पिंपरी चिंचवड (pimpri chinchwad) येथील भोसरी पोलीस ठाणे अंतर्गत येणाऱ्या आळंदी रोडवर घडली आहे. या घटनेनंतर पाेलिसांनी (police) एका युवकावर गुन्हा दाखल आहे. (pimpri chinchwad latest marathi news)

प्रतीक संतोष कुतवळ अस आत्महत्या केलेल्या (बॉयफ्रेंड) युवकाचं नाव आहे. या प्रकरणात प्रतीकचे वडील संतोष जालिंदर कुतवळ यांनी भोसरी पोलीस ठाणे येथे प्रथमेश महादू पठारे याच्या विरुद्ध तक्रार केली. या तक्रारीची दखल घेत पाेलिसांनी पठारे याच्यावर आत्महत्येस प्रवृत्त केल्याचा गुन्हा दाखल केला.

या घटनेबाबत मिळालेली अधिक माहिती अशी : प्रथमेश महादू पठारे आणि प्रतीक कुतवळची गर्लफ्रेंड ही एकमेकांच्या तोंड ओळखीची होती. जेव्हा प्रतीक आपल्या गर्लफ्रेंडशी बोलत होता त्यावेळी प्रथमेश याने त्याला पाहिलं. त्याचा संताप अनावर झाला होता. त्यामूळे प्रथमेशने प्रतीक कुतवळ याच्या गर्लफ्रेंड समोर त्याला जबर मारहाण केली होती. त्यातूनच त्याच्यात आपला अपमान झाल्याची भावना निर्माण झाली होती. त्यामुळे त्याने 25 जून 2022 ला आपल्या राहत्या घरात आत्महत्या केली. या प्रकरणाचा सखोल तपास करून भोसरी पोलिसांनी प्रथमेश पठारे या युवकावर गुन्हा दाखल केला आहे.

Edited By : Siddharth Latkar