Pune : राज ठाकरेंच्या पुण्यातल्या मेळाव्याची अशी सुरुय तयारी...

MNS Preparations for Raj Thackeray's Public Meeting in Pune : या मेळाव्यात सर्वसामान्य मनसैनिकाला जाता येणार नाही तर मोजक्या आणि निमंत्रित लोकांनांच या मेळाव्याला येण्याची परवानगी आहे.
Pune : राज ठाकरेंच्या पुण्यातल्या मेळाव्याची अशी सुरुय तयारी...
preparations for Raj Thackeray's Public Meeting in Pune ...Saam Tv

ज्ञानेश्वर हिंगोलीकर

पुणे: मनसे अध्यक्ष राज ठाकरे यांचा अयोध्या दौरा स्थगित झाला, पुण्याच्या नदीपात्रातली सभा रद्द झाली आता राज ठाकरे (Raj Thackeray) हे पुण्यातल्या गणेश कला क्रिडा केंद्र याठिकाणी मेळावा घेणार आहेत. या मेळाव्यासाठी मनसेची (MNS) जय्यत तयारी सुरु झाली आहे. येत्या रविवारी म्हणजेच २२ मे ला सकाळी १० वाजता हा मेळावा होणार आहे. राज ठाकरेंचा अयोध्या दौरा स्थगित झाल्यानंतर आणि पुण्यातली (Pune) सभा रद्द झाल्यानंतर रविवारच्या मेळाव्याकडे मनसैनिक आशेनं बघतायत. या मेळाव्यासाठी जय्यत तयारी मनसैनिकांकडून करण्यात येत आहे. (preparations for Raj Thackeray's Public Meeting in Pune ...)

हे देखील पाहा -

राज ठाकरेंच्या मेळाव्यासाठी पुणे मनसेकडून जय्यत तयारी करण्यात येतेय. यासाठी पुणे शहर कार्यालयात बैठक घेण्यात आली. या बैठकीत शहर अध्यक्ष साईनाथ बाबर, मनसे नेते बाबू वागस्कर आणि कार्यकर्त्यांनी मेळाव्याच्या तयारीबाबत आढावा घेतला. राज ठाकरेंच्या या मेळाव्याला १२ ते १५ हजार कार्यकर्ते येण्याची शक्यता आहे. या सभागृहाची आसनक्षमता कमी असल्याने गर्दी रोखण्याचे आव्हान मनसे पदाधिकाऱ्यांवर असणार आहे, तसेच पोलिसांनाही चोख बंदोबस्त ठेवावा लागणार आहे. या मेळाव्यात सर्वसामान्य मनसैनिकाला जाता येणार नाही तर मोजक्या आणि निमंत्रित लोकांनांच या मेळाव्याला येण्याची परवानगी आहे. गणेश कला क्रिडा सभागृहाशेजारील नेहरू स्टेडियममध्ये पार्किंगच्या व्यवस्थेसाठी मनसे पदाधिकाऱ्यांचे प्रयत्न सुरु आहेत.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com