राष्ट्रपतिपदासाठी शरद पवारांचे नाव निश्चित झालं तर..., काँग्रेस नेत्याने स्पष्टच सांगितलं

८ जुलै रोजी राष्ट्रपतिपदासाठी निवडणूक होणार आहे.
राष्ट्रपतिपदासाठी शरद पवारांचे नाव निश्चित झालं तर..., काँग्रेस नेत्याने स्पष्टच सांगितलं
Presidential Election 2022 News, Sharad Pawar latest NewsSaam Tv

मुंबई: देशात सध्या राष्ट्रपती पदाच्या निवडणुकीची (Election) चर्चा सुरू झाली आहे. १८ जुलै रोजी राष्ट्रपतीपदासाठी निवडणूक होणार आहे. केंद्रीय निवडणूक आयोगाने निवडणूक जाहीर केली आहे. या पार्श्वभूमीवर दोन दिवसापूर्वी राज्यसभेचे विरोधी पक्षनेते मल्लिकार्जून खरगे यांनी राष्ट्रवादीचे अध्यक्ष शरद पवार (Sharad Pawar) यांची मुंबईत भेट घेतली आहे. युपीएकडून राष्ट्रपती पदासाठी शरद पवार उमेदवार असतील अशा चर्चा सुरू झाल्या आहेत. आज काँग्रेस नेते नाना पटोले यांनीही या संदर्भात वक्तव्य केले आहे. (Presidential Election Sharad Pawar)

युपीएकडून राष्ट्रपती पदासाठी शरद पवार (Sharad Pawar) यांचे नाव निश्चित झाले तर आमचे समर्थन असणार, असं वक्तव्य काँग्रेस नेते नाना पटोले यांनी केले आहे. तर दुसरीकडे आम आदमी पक्षानेही शरद पवार यांच्या नावाला समर्थन दाखवले आहे. जुलै महिन्यात राष्ट्रपती पदासाठी निवडणूक होणार आहे. (Sharad Pawar latest News)

Presidential Election 2022 News, Sharad Pawar latest News
राष्ट्रपती निवडणुकीवर मुंबईत खलबते; शरद पवार व मल्लिकार्जुन खरगे यांच्यात बैठक

काही दिवसापूर्वी युपीएच्या अध्यक्ष पदावरुन शरद पवार (Sharad Pawar) यांचे नावे पुढे आले होते. राष्ट्रपती पदाच्या चर्चांवर बोलताना राष्ट्रवादीचे प्रवक्ते महेश तपासे म्हणाले, देशाच्या मोठ्या पदासाठी शरद पवार यांच्या नावाची चर्चा होते, याचा आनंद आहे. शरद पवार यांनी याअगोदर आमच्या पक्षाच्या मर्यादा संबंधी स्पष्ट केले आहे, राष्ट्रपती पदाविषयी अजुनही पक्षात कोणतीही चर्चा झालेली नाही.

Presidential Election 2022 News, Sharad Pawar latest News
पंतप्रधान नरेंद्र मोदी आणि मुख्यमंत्री उद्धव ठाकरे एकाच मंचावर येणार

राष्ट्रपती निवडणुकीवर मुंबईत खलबते

राष्ट्रपती पदाच्या निवडणुकीसंदर्भात राज्यसभेचे विरोधी पक्षनेते मल्लिकार्जून खरगे, काँग्रेस विधीमंडळ पक्षाचे नेते बाळासाहेब थोरात व सार्वजनिक बांधकाम मंत्री अशोक चव्हाण यांनी राष्ट्रवादीचे अध्यक्ष शरद पवार (Sharad Pawar) यांची भेट घेतली. भारतीय निवडणूक आयोगाने गुरुवारी राष्ट्रपतीपदासाठी निवडणूक कार्यक्रम जाहीर केला आहे. त्यानुसार १८ जुलै रोजी राष्ट्रपतीपदासाठी निवडणूक होणार आहे.

काँग्रेस नेत्या सोनिया गांधी (Sonia Gandhi) यांचा निरोप घेऊन मल्लिकार्जुन खरगे यांनी शरद पवार यांच्याशी चर्चा केली असल्याचे बोलले जात आहे. सर्व पक्षांची बैठक घेऊन एक उमेदवार निवडण्यासाठी शरद पवार, उद्धव ठाकरे , टीएमसी, समाजवादी पक्ष या सर्वांसोबत चर्चा करण्यासाठी सांगितले असल्याचे बोलले जात आहे. वेळ आणि दिवस ठरवून तारीख घेऊ आणि बैठक घेऊ, असंही खरगे म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com