अंबरनाथमध्ये पोलीस असल्याची बतावणी करून १० लाखांचं सोनं लुटलं

शिवाजीनगर पोलीस ठाण्यात गुन्हा दाखल
अंबरनाथमध्ये पोलीस असल्याची बतावणी करून १० लाखांचं सोनं लुटलं
Ambernath NewsSaam Tv

अंबरनाथ -पोलीस (Police) असल्याची बतावणी करून हातचलाखीने सोन्याचे दागिने लुटल्याची धक्कादायक घटना अंबरनाथच्या (Ambernath) शिवाजी नगर पोलीस ठाण्याच्या हद्दीत घडली आहे. विशेष म्हणजे यात १० लाखांचं सोनं घेऊन चोर पसार झाले आहेत.

वसार गावातील बांधकाम व्यावसायिक रमेश शेलार यांच्या सोबत हा प्रकार घडला आहे. १५ जून रोजी सकाळी ७ वाजता शेलार हे त्यांच्या पालेगाव रोड येथील वीटभट्टीवर कामानिमित्त जात होते. एका बाईकवर स्वार दोन व्यक्तींनी त्यांना भररस्त्यात अडवून आम्ही पोलीस आहोत, गाडीचे पेपर आहेत का? एवढं सोनं घालून तुम्ही का फिरताय? आधीच चोरीचे प्रकार किती वाढले आहेत, अशी बतावणी करून शेलार यांना दम भरला. त्याच दरम्यान अजून एका बाईकस्वाराला अडवून त्याचीही त्यांनी चौकशी केली.

हे देखील पाहा -

मात्र तोही व्यक्तीही त्यांच्यासोबतचाच असल्याचं सीसीटीव्हीत निष्पन्न झालं. त्यानंतर शेलार यांना सोनं काढून तुमच्या खिश्यात ठेवा, असं त्यांनी सांगितले. त्याच दरम्यान एका चोरट्याने शेलार यांना बोलण्यात गुंतवून ठेवत शेलार यांच्याकडील तब्बल १० लाखांचं सोनं घेऊन पसार झाले. हे चोर नेवाळी पाईपलाईन दिशेने पसार झाले असून त्यांचा शोध सीसीटीव्ही फुटेज च्या आधारे शिवाजीनगर पोलीस घेत आहेत.

Ambernath News
जागतिक सिकल सेल डिझिज दिवस: याविषयी राज्यामध्ये जागरुकता कशी वाढवाल ?

आता याप्रकरणी शिवाजीनगर पोलीस ठाण्यात अज्ञात चोरट्यांविरोधात गुन्हा दाखल करण्यात आला असून या घटनेचा अधिक तपास पोलीस करत आहेत. मात्र या घटनेवरून तरी आता गावकऱ्यांनी एवढ्या मोठ्या प्रमाणात सोनं परिधान करताना दक्षता घेण्याची गरज व्यक्त होते आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com