PM Modi visit to Pune: पंतप्रधान नरेंद्र मोदींच्या फेट्यातील राजमुद्रा हटवली

पंतप्रधान नरेंद्र मोदी यांना देण्यात येणाऱ्या शाही फेट्याला लावण्यात आलेली राजमुद्रा हटवण्यात आली
PM Modi visit to Pune: पंतप्रधान नरेंद्र मोदींच्या फेट्यातील राजमुद्रा हटवली
PM Modi visit to Pune: पंतप्रधान नरेंद्र मोदींच्या फेट्यातील राजमुद्रा हटवली प्राची कुलकर्णी

पुणे: पंतप्रधान नरेंद्र मोदी यांना देण्यात येणाऱ्या शाही फेट्याला लावण्यात आलेली राजमुद्रा हटवण्यात आली आहे. बातमी प्रसिद्ध झाल्यानंतर या राजमुद्रेवरून अनेकांनी टीका करण्यास सुरुवात केली होती. त्यामुळे शनिवारी या फेट्यावरून राजमुद्रा हटवून त्यावर सूर्यफूल लावण्यात आले आहे. यावरून कुठलेलंही राजकारण होऊ नये, यासाठी ही काळजी घेण्यात आली असल्याचे मुरुडकर फेटेवाल्यांकडून सांगण्यात आले आहे. (Prime Minister Narendra Modi hat Rajmudra removed)

हे देखील पहा-

मोदींसाठी बनवलेल्या फेट्यावरून कॉंग्रेसकडून चांगलाच वाद पेटला आहे. या फेट्यावर शिवरायांच्या 'राजमुद्रे'चा वापर करण्यात आला आहे. पुणे कॉंग्रेसकडून 'त्या' फेट्यावर आक्षेप घेतला जात आहे. मोदींना फेटा न घालण्याची कॉंग्रेसची यावेळी मागणी करण्यात येत आहे. पंतप्रधान नरेंद्र मोदी (Narendra Modi) आज पुणे दौऱ्यावर आहेत. पुणे (Pune) महापालिकेतील छत्रपती शिवाजी महाराजांच्या पुतळ्याचं अनावरण तसेच पुणे मेट्रोच्या वनाझ ते गरवारे या टप्प्याचं मोदींच्या हस्ते लोकार्पण होणार आहे. सत्ताधारी भाजपकडून पुण्यात मोदींच्या स्वागताची जय्यत तयारी करण्यात आली.

पंतप्रधान नरेंद्र मोदींच्या स्वागतासाठी पुण्यामधील गिरीश मुरुडकर झेंडेवाले यांनी आकर्षक राजबिंडा शाही फेटा तयार केला आहे. हा फेटा तयार करण्यासाठी ऑस्ट्रेलियन डायमंडचा वापर करण्यात आता आहे. फेट्यावर असणारे हिरे म्हणजेच आपली जनता आहे. या जनतेला घेऊन मोदी पुढे जाणार आहेत. या विचारातूनच आकर्षक राजबिंड्याची निर्मिती केली असल्याचे गिरीश मुरुडकर यांनी सांगितले होते.

PM Modi visit to Pune: पंतप्रधान नरेंद्र मोदींच्या फेट्यातील राजमुद्रा हटवली
PM Modi visit to Pune: पुणे कॉंग्रेसकडून 'त्या' फेट्यावर आक्षेप; मोदींना फेटा न घालण्याची मागणी

पंतप्रधान मोदींच्या कपड्यांच्या विचार करुन आम्ही क्रीम विथ रेड कापडाचा वापर केला आहे. तर फेट्याच्या वरच्या बाजूला गोल्ड प्लेट लावली असून त्याला सोन्याचं पाणी दिलं असल्याचं गिरीश मुरुडकर यांच्याकडून सांगण्यात आले आहे. या शाही फेट्याच्या मध्यभागात मोत्याच्या सूर्यफुलात शिवमुद्रा बसविण्यात आली आहे. सध्या उन्हाचा तडाखा वाढला आहे. यापार्श्वभूमीवर फेटा तयार करताना तो वजनाला हलका आणि डोक्याला जास्त गरम होणार नाही अशा पद्धतीने तयार करण्यता आला आहे. मोदींच्या स्वागतासाठी पुण्यातील प्रमुख रस्त्यांवर शुभेच्छांचे बॅनरही लावण्यात आले आहेत.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com