सचिन जाधव
Pune Latest News : भयंकर घटनेनं पुणे हादरलं. पुण्यातील मुंढवा परिसरात एकाच कुटुंबातील चौघांनी विषारी औषध पिऊन सामूहिक आत्महत्या केली. मृतांमध्ये पती-पत्नी आणि दोन मुलांचा समावेश आहे.
पुण्यातील मुंढवा परिसरात विषारी औषध पिऊन एकाच कुटुंबातील चार जणांनी आयुष्य संपवल्याची घटना उघडकीस आली आहे. पती-पत्नी आणि दोन मुलांनी सामूहिक आत्महत्या केल्याची माहिती आहे. आर्थिक नुकसान झाल्यामुळे त्यांनी टोकाचे पाऊल उचलले असावे, असा प्राथमिक अंदाज आहे. (Pune News)
मिळालेल्या माहितीनुसार, शेजारी राहणाऱ्या नागरिकांच्या ही बाब लक्षात आल्यानंतर ही धक्कादायक घटना समोर आली. त्यांनी याबाबत तातडीने पोलिसांना कळवले. त्यानंतर मुंढवा पोलीस घटनास्थळी दाखल झाले.
दीपक पुंडलिक थोटे (वय 59) , इंदू दीपक थोटे (वय 45) , ऋषिकेश दीपक थोटे (वय 24) समीक्षा दीपक थोटे (वय १६) अशी आत्महत्या केलेल्यांची नावे आहेत.
चौघांचेही मृतदेह विच्छेदनासाठी ससून रुग्णालयात पाठवण्यात आले आहेत. एकाच कुटुंबातील चौघांनी जीवनयात्रा संपवल्याने परिसरात हळहळ व्यक्त करण्यात येत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
