Pune Accident News: पुणे-सोलापूर महामार्गावर भरधाव कारणे रिक्षाला उडवल्याची घटना घडली आहे. सोरतापवाडी ग्रामपंचायत हद्दीत झालेल्या या अपघातात कारने पाठीमागून रिक्षाला धडक दिली. या भीषण अपघातात एकाचा जागीच मृत्यू झाला, तर ४ जण जखमी झाले आहेत. सोरतापवाडी फाटा परिसरात दुपारी १२ वाजण्याच्या सुमारास ही घटना घडली.
भानुदास गोरे असे अपघातात मृत्यू झालेल्या व्यक्तीचे नाव आहे, तर सुनीता जगताप आणि इंदू जगताप असे या अपघातात गंभीर जखमी झालेल्या महिलांची नावे आहेत. याशिवाय विष्णू राजाराम अंधारे आणि छाया अंधारे (दोघेही रा. सोरतापवाडी, ता. हवेली) अशी किरकोळ जखमी झालेल्या दोघांची नावे आहेत.
मिळालेल्या माहितीनुसार, पुणे-सोलापूर महामार्गावर हडपसरवरून उरुळी कांचनच्या दिशेने एक रिक्षा जात होती. पाऊणे बारा वाजण्याच्या सुमारास ही रिक्षा सोरतापवाडीतून उरुळी कांचनच्या दिशेने निघाली असताना अचानक पाठीमागून कारने रिक्षाला जोरदार धडक दिली. या धडकेत रिक्षात बसलेले प्रवासी गंभीर जखमी झाले. जखमी प्रवाशांना उपचारासाठी उरुळीकांचन येथील सिद्धिविनायक हॉस्पिटलमध्ये उपचारासाठी दाखल करण्यात आले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
