मोठी बातमी! अविनाश भोसले यांचे हेलिकॉप्टरही CBIकडून जप्त

सीबीआयने पुण्यातील अविनाश भोसले यांच्या घरातून ऑगस्टा वेस्टलँड हेलिकॉप्टर जप्त केले आहे.
Avinash Bhosale
Avinash BhosaleSaam Tv

पुणे: पुण्यातील प्रसिद्ध उद्योगपती अविनाश भोसले यांना सीबीआयकडून(CBI) पुन्हा धक्का बसला आहे. भोसले यांचे हेलिकॉप्टर काल सीबीआयकडून जप्त करण्यात आले आहे. अविनाश भोसले येस बँक आणि डीएचएफएल गैरव्यवहार प्रकरणात अटकेत आहेत. गेल्या काही महिन्यांपासून सीबीआय भोसले यांची चौकशी करत आहे.

Avinash Bhosale
मुख्यमंत्र्यांनी आनंद दिघे यांच्याबाबत केलेल्या वक्तव्यावरून किशोरी पेडणेकरांची मोठी प्रतिक्रिया

अविनाश भोसले हे पुण्यातील बांधकाम व्यवसायातील मोठे नाव आहे. ते सध्या अटकेत आहेत. डीएचएफएल आणि येस बँकेशी संबंधित घोटाळ्याप्रकरणी सीबीआयने (CBI) अविनाश भोसले यांना अटक केली आहे. याआधी सोमवारीच सीबीआयने त्यांच्याविरुद्ध आरोपपत्र दाखल केले होते.

अविनाश भोसले यांना २६ मे रोजी अटक करण्यात आली होती. त्यानंतर त्यांना १० दिवसांची सीबीआय कोठडी सुनावण्यात आली होती. त्यांना पुन्हा न्यायालयात हजर केले असता न्यायालयाने भोसले यांना १४ दिवसांची न्यायालयीन कोठडी सुनावण्यात आली होती. त्यानंतर आज त्यांचे खासगी हेलिकॉप्टर जप्त करण्यात आले आहे.

Avinash Bhosale
मुख्यमंत्र्यांनी आनंद दिघे यांच्याबाबत केलेल्या वक्तव्यावरून किशोरी पेडणेकरांची मोठी प्रतिक्रिया

मिळालेल्या माहितीनुसार, येस बँक गैरव्यवहार प्रकरणामध्ये भोसले यांचेही नाव पुढे आले होते. त्यानुसार, "सीबीआय'कडून भोसले यांचा तपास सुरु होता. भोसले यांचे घर व काही मालमत्तांवर एप्रिल महिन्यात "सीबीआय'ने छापे टाकून काही मोठ्या प्रमाणात झाडाझडती घेतली होती. त्याचवेळी त्यांच्या मालमत्तांमधून महत्वाची कागदपत्रेही त्यांनी जप्त केली होती. अविनाश भोसले हे वाधवान बंधूंचे अत्यंत जवळचे मानले जातात. या घोटाळ्याच्या पैशातून हे हेलिकॉप्टर खरेदी केल्याच्या संशयावरून सीबीआयने आज हे हेलिकॉप्टर ताब्यात घेतल्याचा दावा सूत्रांनी केला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com