लोणावळा शहरात नऊ घरफोड्यांचे प्रकरण उघडकीस आल्याने खळबळ उडाली आहे. लोणावळा शहरात नऊ व ग्रामीण भागात एक अशा दहा घरफोड्या उघडकिस आल्या असून मुद्देमालासह आरोपींना पोलिसांनी अटक केली आहे. (Crime News In Marathi)
याबाबत सविस्तर माहिती अशी की, पर्यटन नगरी म्हणून ओळखल्या जाणाऱ्या लोणावळा (Lonavala) परिसरातील पर्यटकांच्या तसेच स्थानिकांच्या घरात शिरुन घरफोडी केल्याचे प्रकरण उघडकीस आले आहे. या प्रकरणात मुद्देमालांसह आरोपींना पोलिसांनी अटक केली आहे. वसीम चौधरी, सलीम चौधरी आणि शहारूख बाबू शेख असे सराईत आरोपींची नावे आहे.
या आरोपींकडून एक तोळा सोन्याची चेन ,सोन्याच्या दोन अंगट्या, दोन डायमंडच्या अंगठया, एक सोन्याची अंगठी, दोन मोटार सायकल, रोख रक्कम असा एकूण दोन लाख सव्वीस हजार सातशे रुपये किमतीचा मुद्देमाल पोलिसांनी हस्तगत करण्यात आला आहे..
लोणावळा परीसर हे थंड हवेचे ठिकाण असल्याने परीसरात मोठ्या प्रमाणात पर्यटक फिरण्यासाठी व राहण्यासाठी येतात. काही पर्यटकांचे स्वतःची घरे आहेत तर काही पर्यटक भाडेतत्वावर घरे घेवून राहतात. पर्यटकांच्या तसेच स्थानिकांच्या घरामध्ये चोरी होत असल्याबाबत वारंवार तक्रारी येत असल्याची माहिती पुणे ग्रामीणचे पोलीस अधीक्षक सत्यसाई कार्तिक यांनी दिली. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
