Pune News: ऑनलाईन शिक्षण पध्दतीने आता प्रत्येक शालेय विद्यार्थ्याच्या हातात फोन पाहायला मिळतो. अशात याच फोनचा आणि सोशल मीडियाचा गैरवापर करत पुण्यात एक धक्कादायक घटना घडली आहे. एका नामांकीत शाळेत शिक्षण घेणाऱ्या विद्यार्थ्याने त्याच्याच शाळेतील मुलीचा विनयभंग केला आहे. या घटनेने शाळेत तणावपूर्ण वातावरण निर्माण झाले आहे.
सदर घटना ही हडपसर येथील आहे. १४ वर्षीय मुलाने सोशल मीडियावर पोस्ट शेअर करत १३ वर्षीय मुलीचा विनयभंग केला आहे. हे दोघे एकाच शाळेतील (School) विद्यार्थाी असून मुलगा पीडित मुलीला खूप दिवसांपासून त्रास देत होता. त्याने मैत्रीसाठी मुलीला धमकी देखील दिली होती. माझ्याशी मैत्री केली नाही तर मी तुला उचलून घेऊन जाईल अशी धमकी मुलाने दिली होती.
कितीही प्रयत्न केले तरी मुलगी मैत्री (Friendship) करण्यास तयार नसल्याने मुलाने वेगळी शक्कल लढवत पीडितेचा फोटो त्याच्या इंस्टाग्राम स्टोरीवर ठेवला आणि कॅप्शनमध्ये माझी बायको होशील का असे लिहिले. हे पाहून मुलीने सर्व प्रकार घरी सांगण्याचा निर्णय घेतला. तिने आईला सर्व घटना सांगितली. त्यानंतर पीडित मुलीच्या आईने लगेचच पोलीस स्टेशनमध्ये धाव घेत सदर मुलाविरोधात गुन्हा दाखल केला आहे. हडपसर पोलीस या प्रकरणी पुढील चौकशी करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.