Pune Police: पुण्यामध्ये गुन्हेगारीच्या (Pune Crime) घटना दिवसेंदिवस वाढत चालल्या आहेत. शुल्लक कारणावरुन एका कारचालकाने दुचाकीस्वाराला धडक देत त्याला बेदम मारहाण केल्याची धक्कादायक घटना समोर आली आहे. या मारहाणीत हा तरुण गंभीर जखमी झाला आहे. येरवड्यातील एअरपोर्ट रस्त्यावर ही घटना घडली आहे. याप्रकरणी कारचालकाविरोधात येरवडा पोलिस ठाण्यात (Yerawada Police Station) गुन्हा दाखल करण्यात आला आहे.
पोलिसांनी दिलेल्या माहितीनुसार, शिवाजीनगर येथे राहणारा शुभम शरद बहिरट (26 वर्षे) आणि त्याचे तीन मित्र 11 मे रोजी येरवड्यातील एअरपोर्ट परिसरातून दुचाकीवर निघाले होते. त्याचवेळी या परिसरात थांबलेल्या एका आलिशान कारचा दरवाजा उघडा असल्याचे त्यांच्या निदर्शनास आले. त्यामुळे शुभमने कारचालक सचिन ओमप्रकाश शर्माला कारचा दरवाजा बंद करण्यास सांगितले. त्यामुळे कारचालकाला शुभमचा खूपच राग आला.
संतप्त झालेल्या कारचालकाने शुभमच्या दुचाकीच्या पाठलाग करत धडक दिली. त्यानंतर त्याने शुभमला रस्त्यावर पाडून बेदम मारहाण केली. या मारहाणीत शुभम गंभीर जखमी झाला आहे. याप्रकरणी शुभमने दिलेल्या फिर्यादीवरुन येरवडा पोलिस तपास करत आहेत. पोलिसांनी सचिन ओमप्रकाश शर्मा आणि दोन तरुणींविरोधात गुन्हा दाखल केला आहे. यानंतर सचिनसोबत असलेल्या एका तरुणीने दिलेल्या फिर्यादीवरुन जखमी शुभम आणि त्याच्या तीन मित्रांविरोधात गुन्हा दाखल करण्यात आला आहे. येरवडा पोलिस या प्रकरणाचा तपास करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
