अक्षय बडवे
पुणे : महिनाभरापुर्वी कुत्र्याच्या कारणावरून दोघांमध्ये भांडण झाले होते. हा राग मनात ठेवून वचपा (Pune) काढायच्या उद्देशाने ३ ते ४ जणांच्या टोळक्याने तरुणावर हल्ला केला. डोक्यात कोयत्याने वार केला. यात सदर तरूण गंभीर जखमी झाला आहे. (Latest Marathi News)
पुण्यातील कात्रज भागातील ही घटना आहे. हा सगळा प्रकार बुधवारी (२१ जून) रात्री ११ वाजण्याच्या सुमारास घडला आहे. फिर्यादी यश कदम (वय १७) हा त्याच्या मित्रांसोबत कात्रज भागात मोबाईलवर गेम खेळत होता. यावेळी त्याचा ओळखीचा तरुण ओंकार दानवले हा त्याच्या साथीदारांना घेऊन यशकडे जाऊन त्याला शिवीगाळ केली. तसेच एक महिन्यांपूर्वी त्यांच्या दोघात कुत्र्याच्या कारणावरून झालेल्या भांडणाचा (Crime News) राग मनात ठेऊन ओंकारने त्याच्या इतर साथीदारांच्या मदतीने यशच्या डोक्यात कोयत्याने वार केले.
डोक्याच्या उजव्या बाजूला वार झाल्यामुळे यश तिथेच खाली पडला. यानंतर आरोपींनी तिथून पळ काढला. १ महिन्यांपूर्वी झालेल्या भांडणाचा राग मनात ठेऊन तरुणांनी कृत्य केले आहे. यश कदम याने भारती विद्यापीठ पोलिसांकडे तक्रार केली असून या प्रकरणी ओंकार दानवले, यश घोडके, राज जगताप, सुजल चौधरी यांच्यावर गुन्हा दाखल करण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.