Pune Crime News: आता काय म्हणावं? मटणावरून वाद टोकाला; पतीने पत्नीच्या डोक्यात मारला मासे कापण्याचा कोयता

सचिन जाधव

Pune News: कौटुंबीक कारणावरून पती-पत्नी यांच्यात वाद होत असतात. अनेकदा असे वाद टोकाला जातात. असाच धक्कादायक प्रकार पुण्यातील येरवडा परिसरात घडला आहे. पुण्यातील येरवड्यामध्ये मटण केले नाही म्हणून पतीने पत्नीचे डोक्यात मासे कापण्याचा कोयत्याने जखमी केल्याचा प्रकार धक्कादायक समोर आला आहे. (Latest Marathi News)

कौटुंबीक कारणावरुन पती-पत्नी यांच्यात वाद होत असल्याचे प्रकार अनेकदा पाहावयास मिळतात. परंतु पुण्यातील येरवडा परिसरातील सुभाषनगर येथेही असाच प्रकार समोर आला आहे.

एका कुटुंबात मद्य पिऊन घरी आलेला पती घरात पत्नीशी जेवणासाठी मटण बनवले नसल्यावरून भांडला. त्यानंतर पतीने रागातून पत्नीच्या डोक्यात मासे कापण्याच्या कोयत्याने मारुन तिला जखमी केल्याचा धक्कादायक प्रकार केला.

याप्रकरणी पत्नीने पती विरोधात येरवडा पोलीस ठाण्यात तक्रार दाखल केली आहे.संदीप विष्णू मोरे (वय ३३) असे आरोपीचे नाव आहे. संदीपला पोलिसांनी अटक केली आहे.

नेमकं काय घडलं?

याबाबत २९ वर्षीय पत्नीने त्याच्या विरोधात फिर्याद दाखल केली आहे. सदरचा प्रकार २८ मे रोजी रात्री अकरा वाजण्याच्या दरम्यान हा प्रकार घडला. संबंधित वेळी आराेपी संदीप माेरे हा घरी दारु पिऊन आला.

त्यानंतर त्याने पत्नीला जेवणासाठी मटण का बनवले नाही अशी विचारणा केली. त्यानंतर पत्नीसह स्वत:चे आईवडीलांना शिवीगाळ करुन लाथा बुक्क्यांनी मारहाण केली. त्यानंतर पत्नीच्या डोक्यात मासे कापण्याच्या कोयत्याने मारुन तिला जखमी केले आहे. महिलेवर रुग्णालयात उपचार करण्यात येत आहे. या प्रकरणी येरवडा पोलीस अधिक तपास करत आहेत.