Pune Crime : पाळीव श्वानाला दगड का मारला? म्हणत चिडलेल्या मालकालाने केलं भयंकर कृत्य

या घटनेमुळे परिसरात खळबळ उडाली.
Chaturshringi Police Station
Chaturshringi Police StationSaam Tv

पुणे - पाळीव श्वानाला दगड मारल्याने झालेल्या वादातून एकावर कुर्‍हाडीने वार करून खुनाचा प्रयत्न केल्याची घटना पुण्यातील (Pune) बाणेर परिसरात घडली आहे. या प्रकरणी श्वानाच्या मालकास चतु:शृंगी पोलिसांनी अटक केली. न्यायालयाने त्याला चार दिवसांची पोलिस कोठडी सुनावली आहे. अयुब शेख असे अटक करण्यात आलेल्याचे नाव आहे. शेख याने केलेल्या हल्ल्यात रवी घोरपडे गंभीर जखमी झाले आहे. (Pune Crime News)

Chaturshringi Police Station
Petrol Diesel Rate : कच्च्या तेलाचे भाव पुन्हा कडाडले; 'या' शहरांमध्ये पेट्रोल-डिझेल महागलं

शेख बिगारी काम करतो तर घोरपडे पेंटर आहे. दोघे शिंदे मळा भागातील वस्तीत राहायला असून, एकमेकांचे परिचित आहेत. घोरपडे शनिवारी रात्री साडेआठच्या सुमारास शिंदे मळा परिसरातून निघाला होता. त्या वेळी शेख याचा पाळीव श्वान घोरपडे याच्यावर भुंकला.घोरपडेने श्वानाला दगड मारला.

या कारणावरून दोघांमध्ये वाद झाला आणि हा वाद इतका विकोपाला गेला की, शेख याने घोरपडे याच्यावर थेट कुर्‍हाडीने वार केले. यात घोरपडे गंभीर जखमी झाला. यावरून चतु:शृंगी पोलिसांत गुन्हा नोंद करण्यात आला असून पोलीस अधिक तपास करत आहेत. या घटनेमुळे परिसरात खळबळ उडाली.

Chaturshringi Police Station
Maharashtra Politics : मंत्रिमंडळ विस्ताराचा मुहूर्त हुकणार?, भावी मंत्र्यांची धाकधूक वाढली

पोलीस अधिकाऱ्यांनी दिलेल्या माहितीनुसार, बाणेर येथील शिंदे मळा परिसरात शनिवारी रात्री 8.30 च्या सुमारास ही घटना घडली. रवी घोरपडे याला या हल्ल्यानंतर त्याच्या नाकावर आणि मानेवर गंभीर जखमा झाल्या आणि सध्या त्याच्यावर रुग्णालयात उपचार सुरू आहेत, असे अधिकाऱ्यांनी सांगितले.

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com