Pune News: पुणे शहरातील वाढती गुन्हेगारी हा दिवसेंदिवस चिंतेचा विषय ठरत आहे. शहरात रोज खून, कोयता गँगच्या दहशतीच्या बातम्या समोर येत असतानाच आता नवीनच प्रकार उघडकीस आला आहे. पुणे ग्रामीण पोलिसांनी चक्क मोबाईल टॉवर चोरणाऱ्या टोळीला अटक केली आहे. ज्यामुळे एकच खळबळ उडाली आहे. (Pune Latest Marathi News Update)
याबाबत अधिक माहिती अशी की, पुण्यात (Pune) चक्क मोबाईल टॉवर चोरणारी टोळीचा पर्दाफाश करण्यात आल्याने खळबळ उडाली आहे. बंद अवस्थेतील मोबाईल टॉवरचे साहित्य चोरणाऱ्या टोळीला पुणे ग्रामीण पोलिसांकडून अटक करण्यात आली आहे. या टोळीकडून १३ लाखांचा ऐवज पोलिसांनी जप्त केला आहे.
तसेच राज्यभरातील सहा जिल्ह्यात दहा मोबाईल टॉवरचे साहित्य चोरल्याचेही या टोळीकडून कबूल करण्यात आले आहे. धक्कादायक बाब म्हणजे यामध्ये टॉवर कंपनीच्या ३ अधिकाऱ्यांचाही हात असल्याचे उघडकीस आले आहे. (Latest Marathi News)
या टोळीकडून सातारा, बीड, सांगली, पुणे, रायगड, रत्नागिरी या सहा जिल्ह्यांतील १० मोबाईल टॉवरचे साहित्य चोरल्याचे कबुल केले आहे. जी. टी. एल इन्फ्रास्ट्रक्चर कंपनीचे देशभरात असंख्य टॉवर आहेत. २००८ मध्ये कंपनी बंद झाल्यानंतर या टोळीने बनावट लेटरपॅड दाखवून चोरी करण्यास सुरूवात केली होती. (Pune Crime)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
