अक्षय बडवे, प्रतिनिधी...
Pune Crime News: पुणे शहरातून एक धक्कादायक प्रकार समोर आला आहे. पुण्यातील नदीमध्ये एक तरुणाचा मृतदेह आढळल्याने एकच खळबळ उडाली. शिवाजीनगर ब्रीजखाली हा मृतदेह आढळला असून याबाबतची माहिती मिळताच पोलिसांनी घटनास्थळी धाव घेतली आहे.. (Crime News In Marathi)
याबाबत अधिक माहिती अशी की, शिवाजीनगर परिसरातील ब्रीजखाली आज सकाळी साडेदहा वाजण्याच्या सुमारास एक मृतदेह पाण्यावर तरंगताना आढळला. याबाबतची तात्काळ माहिती पोलिसांना देण्यात आली. ज्यानंतर पोलिसांनी तात्काळ घटनास्थळी धाव घेतली असून मृतदेह ताब्यात घेतला आहे. मृतदेह पुरुष व्यक्तीचा असून त्याचे वय 55 ते 60 च्या आसपास असण्याची शक्यता वर्तवली जात आहे.
तसेच या व्यक्तीच्या डोक्याला मार लागलेला असून गुडघ्यालादेखील जखम झाली आहे. या व्यक्तीची ओळख अद्याप पटली शकलेली नसून ही हत्या आहे का आत्महत्या याचा तपास करण्याचे मोठे आव्हान पोलिसांसमोर आहे. (Pune News)
"पोहण्यासाठी गेलेल्या तरुणाचा बुडून मृत्यू"
खारघर (Kharghar News) परिसरातील दिघा ईलठणपाडा येथे रेल्वेच्या मालकीचा असलेल्या धरणात आपल्या 2 मित्रांसमवेत पोहण्यासाठी गेलेल्या तरुणाचा बुडून मृत्यू झाल्याची घटना समोर आली आहे.
पाण्याचा अंदाज न आल्याने शैलेश कुमार गुप्ता या 18 वर्षीय मुलाचा दुर्दैवी अंत झाला. सध्या अग्निशमन विभागाकडून शैलेशचा शोध घेण्यात येत असून अद्याप त्याचा मृतदेह सापडला नसल्याचे सांगण्यात येत आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.