Crime News : स्मशानभूमीत सुरू होता भयावह प्रकार; पोलिसांनी टाकली धाड, दोन तृतीयपंथीय अटकेत

Pune Crime News : पुणे शहरातून एक धक्कादायक बातमी समोर आली आहे. पुण्यातील वैकुंठ स्मशानभूमीत चितेजवळ दोन तृतीयपंथीयांकडून भयावह प्रकार सुरू होता. हा सर्व प्रकार स्मशानभूमीची देखरेख करणाऱ्या कर्मचाऱ्याच्या लक्षात आला. त्यानंतर त्यांनी याची माहिती पोलिसांना दिली. माहिती मिळताच, पोलिस स्मशानभूमीत पोहचले. याप्रकरणी दोन तृतीयपंथीयांना अटक करण्यात आली आहे. (Latest Marathi News)

नेमकं काय सुरू होतं?

पुण्यात वैकुंठधाम स्मशानभूमी आहे. या स्मशानभूमीत चितेजवळ शुक्रवारी रात्री दोन तृतीयपंथी काही विचित्र अघोरी कृत्य (Crime News) करत असल्याचं सुरक्षारक्षकाने पाहिले. त्यानंतर त्याने पोलिसांना याची माहिती दिली.

माहिती मिळताच, पोलिस तातडीने घटनास्थळी दाखल झाले. तेव्हा, तृतीयपंथी काळ्या बाहुल्या, लिंबू तसेच काही फोटो वापरून अघोरी कृत्य करत होते. तसेच काही मंत्राचाही जप ते करत असल्याचंही पोलिसांच्या लक्षात आलं. या प्रकारानंतर पोलिसांनी दोघांनाही अटक केली आहे.

लक्ष्मी निभाजी शिंदे (वय ३१) आणि मनोज धुमाळ (वय २२) असे अघोरी कृत्य करणाऱ्या आरोपींचे नावे आहेत. शिंदे हा मुंबईचा आहेत तर मनोज धुमाळ हा पुण्यातील कोथरूड भागात वास्तव्यास आहे.

पोलिसांनी दिलेल्या माहितीनुसार, ही घटना शुक्रवारी मध्यरात्री (Pune) एक ते दोनच्या दरम्यान घडली. स्मशानभूमी मधील सुरक्षारक्षक राऊंड मारण्यासाठी गेले असता त्यांना हे दोघेही आरोपी काळी जादू करताना आढळून आले.

Edited By - Satish Daud