Koyta Gang : पुण्यात कोयता गँगचा पुन्हा राडा, तरूणाला गाठलं अन्....

सचिन जाधव

Pune Koyta Gang : कोयता गँगच्या मुसक्या आवळण्यासाठी पुणे पोलिसांनी कठोर कारवाईचे धोरण अवलंबले असले तरी, त्यांची दहशत काही केल्या कमी झाली नसल्याचे चित्र आहे. कात्रज भागातील आंबेगाव परिसरात कोयता गँगने दहशत माजवली. पूर्ववैमनस्यातून एका तरुणावर कोयत्याने वार केले. त्यानंतर आरोपी घटनास्थळावरून फरार झाले.

पुण्यातील (Pune) कात्रज भागातील आंबेगाव परिसरात कोयता गँगने (Koyta Gang) दहशत माजवल्याची घटना घडली. पूर्ववैमनस्यातून या टोळीने एका तरुणावर कोयत्याने वार केले. त्यानंतर सर्व आरोपी घटनास्थळावरून पसार झाले. (Crime News)

कोयता गँगच्या हल्ल्यात तरूण जखमी झाला आहे. या प्रकरणी तुषार माने (वय २०), चंद्रकांत माने (वय २०), किरण भंडारी (वय २०, सर्व रा. आंबेगाव बुद्रुक, कात्रज) यांच्याविरुद्ध गुन्हा दाखल करण्यात आला आहे. याबाबत जखमी तरूणाने भारती विद्यापीठ पोलीस (Police) ठाण्यात फिर्याद दिली आहे.

नेमकं प्रकरण काय?

पाच महिन्यांपूर्वी आरोपी तुषार माने याच्याशी तरुणाचा वाद झाला होता. तरूण घरासमोर थांबला होता. त्यावेळी आरोपी तुषार, त्याचे साथीदार तुषार, किरण तेथे आले. माझ्याकडे काय बघतोस, अशी विचारणा करून आरोपींनी त्याला शिवीगाळ केली.

फिर्यादीला लाथाबुक्क्यांनी मारहाण केली. आरोपी चंद्रकात मानेने शुभमवर कोयत्याने वार करून दहशत माजविली. पसार झालेल्या आरोपींचा शोध भारती विद्यापीठ पोलीस घेत आहेत.