माझ्याकडे ऑडी कार आहे... पत्ता विचारल्याच्या रागातून अंगावर घातली गाडी, पुण्यातील धक्कादायक प्रकार

पोलिसांनी ऑडी चालकाविरोधात गुन्हा दाखल केला असून पुढील तपास डेक्कन पोलीस करत आहे.
PuneNEws
PuneNEws Saam TV

>> सचिन जाधव

पुणे : एखाद्या नवीन ठिकाणी गेलं की पत्ता माहिती नसेल तर आपण तिथे उपस्थित असणाऱ्यांना याबाबत विचारतो. पत्ता विचारणे ही सामान्य बाब आहे. मात्र पुण्यातील एका घटनेने मात्र यापुढे पत्ता विचारण्याआधी विचार करावा लागू शकतो. पत्ता विचारल्याच्या रागातून ऑडी कारच्या मालकांनं एकाच्या पायावर गाडी घातल्याचा धक्कादायक प्रकार पुण्यात घडला आहे.

विशाल सोनवणे असं तक्रारदाराचं नाव आहे. विशाल सोनवणे जंगली महाराज रस्त्यावर सुभद्रा हॉटेलसमोर उभे होते.त्यांना ज्ञानमुद्रा ट्यूटरियल क्लासेसचा पत्ता हवा होता. म्हणून त्यांनी त्या ठिकाणी उभ्या असलेल्या ऑडी मालकाला ज्ञानमुद्रा ट्युटोरियल क्लास कुठे आहे? असं विचारलं. (Crime News)

PuneNEws
Breaking News: मुंबईत इमारतीची लिफ्ट कोसळली; २ जण गंभीर जखमी

मात्र विशाल यांनी पत्ता विचारुन चूक केली की काय असंच म्हणावं लागेल. कारण त्यावरून पत्ता विचारला म्हणून ऑडी मालक संतापला. तू कुणाला पत्ता विचारतोय माहिती आहे का? माझ्याकडे ऑडी आहे. मला पत्ता विचारून तू माझ्या स्टेटसला धक्का पोहोचवला आहेस, असं सांगत ऑडी मालकांनं विशाल सोनवणे यांच्यासोबत भांडायला सुरुवात केली.

PuneNEws
Gautami Patil : गौतमी पाटीलच्या तालावर शिरूरकर थिरकले; लहान-मोठे सर्वच नृत्य पाहून बेभान

वाद इतका विकोपाला गेला की ऑडी मालकानं विशाल सोनवणे यांना जबर मारहाण केली. इतकच नाही तर गाडी घेऊन निघून जात असताना त्याने विशालच्या पायावर गाडी घातली. त्यात विशाल जखमी झाले आणि त्यांना तात्काळ हॉस्पिटल गाठावं लागलं.याप्रकरणी विशाल यांनी पुण्यातील डेक्कन पोलीस स्टेशनमध्ये तक्रार दिली आहे. पोलिसांनी ऑडी चालकाविरोधात गुन्हा दाखल केला असून पुढील तपास डेक्कन पोलीस करत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com