Pune : पुणेकरांनो, पाणी जपून वापरा; शहरातील 'या' भागात २ दिवस पाणीपुरवठा राहणार बंद

पुण्यात समान पाणीपुरवठा योजनेंतर्गत टाकण्यात आलेल्या मुख्य जलवाहिन्यांवर फ्लोमीटर बसविण्यात येणार आहे
Pune Water Supply Updates
Pune Water Supply UpdatesSaam TV

सचिन जाधव

पुणे : पुणेकरांच्या पाणीपुरवठ्याबाबत महत्वाची बातमी समोर आली आहे. पुण्यात समान पाणीपुरवठा योजनेंतर्गत टाकण्यात आलेल्या मुख्य जलवाहिन्यांवर फ्लोमीटर बसविण्यात येणार आहे. त्यामुळे आज आणि उद्या शहराच्या काही भागांचा पाणीपुरवठा बंद राहणार आहे. त्यामुळे पुणेकरांना दोन दिवस पाणी जपून वापरावे लागणार आहे. (Latest Marathi News)

पुण्यात (Pune) जलवाहिन्यांच्या कामासाठी दोन दिवस पाणीपुरवठा बंद राहणार आहे. दोन दिवस पाणीपुरवठा बंद राहिल्यानंतर दुसर्‍या दिवशी सकाळी उशिरा व कमी दाबाने पाणीपुरवठा होईल,असे पाणीपुरवठा विभागातर्फे कळविण्यात आले आहे.

पुण्यात बुधवारी सणस पंपिंग स्टेशन : नर्‍हे, धायरी मानस परिसर, धायरी खंडोबा मंदिर परिसर गल्ली क्र. बी 10 ते बी 14 या भागाचा पाणी पुरवठा बंद राहील.

तर गुरुवारी शहरातील चतु:शृंगी टाकी परिसर, बोपोडी, अनगळ पार्क, खडकी, सहारा हॉटेल, राजभवन, पंचवटी, औंध, खडकी अ‍ॅम्युनिशन फॅक्टरी, अभिमानश्री सोसायटी.

पद्मावती टाकी परिसर : बिबवेवाडी, अप्पर व सुपर इंदिरानगर, संभाजीनगर, काशिनाथ पाटीलनगर, लोअर इंदिरानगर, चिंतामणीनगर, स्टेट बँकनगर, लेकटाऊन, गंगाधाम, बिबवेवाडी-कोंढवा रस्ता, विद्यासागर कॉलनी, सॅलिसबरी पार्क, महर्षिनगर, डायस प्लॉट, मार्केट यार्ड, धनकवडी, गुलाबनगर, चैतन्यनगर, तळजाई वसाहत परिसर.

Pune Water Supply Updates
Chitra Wagh | Pune राष्ट्रवादीच्या उप शहर अध्यक्षांवर चित्रा वाघांचे गंभीर आरोप | SAAM TV

नवीन कॅन्टोन्मेंट जलशुद्धीकरण केंद्र ः ससाणेनगर, काळेबोराटेनगर, हडपसर गावठाण, ग्लायडिंग सेंटर, फुरसुंगी, सय्यदनगर, सातववाडी, इंद्रप्रस्थ, मगरपट्टा, वानवडी, चंदननगर, खराडी, रामटेकडी, माळवाडी, भोसले गार्डन, 15 नंबर आकाशवाणी, लक्ष्मी कॉलनी, महादेवनगर या भागात पाणीपुरवठा (Water Supply) बंद राहील.

पुण्यात जलवाहतूक सुरू होणार?

रस्ते व रेल्वे,मेट्रो वाहतुकीला पर्याय म्हणून जलवाहतुकीवर भर दिला जात आहे.त्याचाच एक भाग म्हणून मुळा-मुठा नद्यांमधून २०२५ नंतर बोटीच्या माध्यमातून जलप्रवास करण्याची सोय केंद्रीय प्रकल्पाच्या माध्यमातून महापालिका करणार आहे.

यासाठी प्राथमिक स्तरावर काम सुरू झाले आहे.स्वस्त व प्रदूषणमुक्त सुखकर प्रवास करण्याची सोय व्हावी, यासाठी केंद्र सरकारच्या साह्याने नदीपात्रालगत सौंदर्यीकरण व रस्त्याचे काम सुरू करण्यात आल्याचे सादरीकरण महापालिका आयुक्त विक्रम कुमार यांच्यासह इतर सदस्यांनी मंगळवारी 'धारा २०२३ परिषदे'त केले. दोन वर्षांत हे प्रकल्प मार्गी लावण्यासाठी प्रयत्न करावेत, अशी सूचना केंद्रीय गृहनिर्माण व शहरी व्यवहार राज्यमंत्र्यांनी दिल्या आहेत

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com