पुणं पुन्हा हादरलं; एकाच दिवसात 3 बलात्काराचे गुन्हे दाखल!
पुणं पुन्हा हादरलं; एकाच दिवसात 3 बलात्काराचे गुन्हे दाखल!Saam Tv

पुणं पुन्हा हादरलं; एकाच दिवसात 3 बलात्काराचे गुन्हे दाखल!

पुण्यात सोमवारी एकाच दिवशी बलात्काराचे तीन गुन्हे दाखल करण्यात आले

पुणे : पुण्यात सोमवारी एकाच दिवशी बलात्काराचे तीन गुन्हे दाखल करण्यात आले आहे. यात 9, 13 आणि 21 वर्षीय मुलींवर बलात्कार झाला आहे. एकाच दिवशी 3 अत्याचाराच्या घटना समोर आल्याने पुण्यात मोठी खळबळ उडाली आहे. या घटनांनी शहरात मुली, महिला सुरक्षित आहेत का? असा प्रश्न उपस्थित होत आहे.

हे देखील पहा-

याप्रकरणी 21 वर्षीय तरुणीने सिंहगड रोड पोलीसात तक्रार दिली आहे. शेजारी राहणाऱ्या व्यक्तीने जबरदस्ती करत तिच्यावर बलात्कार केला आहे. या तरुणीने प्रतिकार केला, असता तिला झाडूने मारहाण केली आहे. तसेच याबाबत कुठे वाच्यता केल्यास तिच्या भावाला ठार मारण्याची धमकी दिली आहे. या प्रकरणी पोलिसांनी आरोपी राहूल जनार्दन खंडारे (वय- 39) याला अटक केली आहे.

पुणं पुन्हा हादरलं; एकाच दिवसात 3 बलात्काराचे गुन्हे दाखल!
Wanawadi Rape Case: पीडितेवर मुंबईतही अत्याचार झाल्याचे उघड!

दुसरी घटना हडपसर पोलीस ठाण्याच्या हद्दीत घडली आहे. या घटनेत 9 वर्षीय अल्पवयीन मुलीवर बलात्कार झाला आहे. आरोपी कुणाल पटेल (वय- 20) याने पीडित मुलीसोबत ओळख करून तिच्या सोबत मैत्री केली. त्यानंतर मैत्रीचा गैरफायदा घेत तिच्या सोबत जबरदस्ती करत शरीरसंबध ठेवले होते. हा सर्व प्रकार उघडकीस आल्यानंतर पीडित मुलीच्या आईने तक्रार दिली आहे. त्यानुसार आरोपीवर गुन्हा दाखल केला आहे.

तिसरी नात्याला काळीमा फासणारी घटना कोंढवा पोलीस ठाण्याच्या हद्दीत घटना घडली आहे. बापानेच 13 वर्षीय अल्पवयीन मुलीवर वारंवार बलात्कार केला आहे. मागील 7 वर्षांपासून तो मुलीवर जबरदस्तीने शरीर संबंध ठेवत होता. नराधम पित्याला पोलिसांनी अटक केली आहे. कोंढवा पोलीस तपास करत आहेत.

Edited By- Digambar Jadhav

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com