अक्षय बडवे, प्रतिनिधी....
Pune No Parking Issue: पुण्यात गाडी चालवणाऱ्यांसाठी एक महत्वाची बातमी समोर आली आहे. वाहनचालकांकडून दंडाची रक्कम आकारताना वाहनचालक आणि पोलिस यांच्यात अनेकदा वाद होतात. या पार्श्वभूमीवर मोटार व्हेइकल ॲक्टनुसार शहर वाहतूक शाखेने दंडाच्या रकमेबाबत सूचनापत्र जारी केले आहे. ज्यामध्ये नो पार्किंगच्या दंडामध्ये मोठी वाढ करण्यात आली आहे.
याबाबत अधिक माहिती अशी की, वाहतूक कोंडीच्या समस्येने पुणेकर (Pune) गेल्या काही महिन्यांपासून हैराण झालेले आहेत. मात्र या कोंडीला फक्त प्रशासनच नाही तर सामान्य नागरिकसुद्धा जबाबदार आहे. नो पार्किंग मध्ये गाडी लावून आपली आपली काम करणे तसेच वाहतुकीच्या नियमांकडे दुर्लक्ष करणे हे चित्र पुण्यातील अनेक भागात पाहायला मिळते.
यानंतर पोलिसांनी जर कारवाई केली तर हेच नागरिक पोलिसांवर धावून जातात. यावरच तोडगा म्हणून आता वाहतूक विभागाकडून नो पार्किंग मध्ये उभारण्यात आलेल्या गाड्यांवर कारवाई केले जाणार असल्याचे स्पष्ट केले आहे. (Latest Marathi News)
नवीन दर....
दुचाकी कारवाई (पहिली वेळ)
टॉइंग चार्ज: २०० रुपये
नो पार्किंग चार्ज: ५०० रुपये
जी एस टी, सी जी एस टी
एकूण दंडाची रक्कम: ७८५ रुपये...
चारचाकी कारवाई (पहिली वेळ)
टॉइंग चार्ज: ४०० रुपये
नो पार्किंग चार्ज: ५०० रुपये
जी एस टी, सी जी एस टी
एकूण दंडाची रक्कम: १०७१ रुपये
ही झाली पहिली वेळ आणि दुसऱ्यांदा जर तुम्ही तुमची वाहन नो पार्किंगमध्ये लावत असाल तर दुचाकीस १७८५ रुपये तर चारचाकीसाठी २०७१ रुपये इतका दंड बसू शकतो. त्यामुळे नो पार्किंगमध्ये वाहन लावताना एकदा विचार करा. कारण आता नो पार्किंगमध्ये वाहने लावणाऱ्यांना चांगलाच भुर्दंड सोसावा लागणार आहे. (No Parking Fine In Pune)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
