Pune : भूमिपूजनाच्या वादातून दोन नगरसेवकांची भर रस्त्यात हमरीतुमरी

अमोल कविटकर

पुणे: कात्रजमधील प्रभाग क्र. ३८ मध्ये उत्कर्ष सोसायटीतील रस्त्याच्या कामाच्या भूमिपूजनावरून स्थानिक नगरसेवकांमध्ये चांगलंच वाद जुंपला होता. या दोघांमध्ये थेट रस्त्यावरच वादविवाद सुरू झाला.

उत्कर्ष सोसायटी येथे राष्ट्रवादी काँग्रेसचे नगरसेवक प्रकाश कदम आणि भाजप नगरसेविका मनिषा कदम यांनी डांबरीकरण कामासाठी निधी आपणच मंजूर केला असल्याचे सांगताना दोघांमधील वादाचा व्हिडिओ समोर आला आहे.

कात्रजतलाव प्रवेशद्वार ते शेलारमळा, गुजरवस्ती, महादेवनगरकडे जाणारा मुख्य रस्ता असल्याने मोठी वाहतूक असते. गेल्या अनेक वर्षांपासून रस्त्याची मोठ्या प्रमाणात दुरवस्था झाली आहे. त्यामुळे रस्ता विकसनाची मागणी जोर धरत होती.

हे देखील पहा-

महापालिकेच्या निवडणुका तोंडावर आल्याने नागरिकांना आकर्षित करण्यासाठी नगरसेवकांमध्ये विकासकामे करण्याच्या स्पर्धा सुरू आहेत. त्यावरून अनेक ठिकाणी श्रेयवाद लढाई पाहायला मिळते. यातीलच हा प्रकार असल्याचे दिसून येते.