Political News : काँग्रेसमध्ये काय उरलंय? राधाकृष्ण विखे पाटलांची अशोक चव्हाणांना खुली ऑफर

मुंबई : भाजप नेते आणि राज्याचे महसूल मंत्री राधाकृष्ण विखे पाटील यांनी काँग्रेस नेते आणि माजी मुख्यमंत्री अशोक चव्हाण यांना भाजपमध्ये येण्याची खुली ऑफर दिली आहे.

काँग्रेसमध्ये काही उरलं नाही, असं म्हणत आपले जुने सहकारी अशोक चव्हाण यांना भाजपमध्ये यावं असं आवाहन राधाकृष्ण विखे पाटलांनी केलं आहे.  (Latest Marathi News)

काँग्रेसमध्ये काही उरलं नाही, काँग्रेसचं भविष्य काय आहे. अशोक चव्हाण एक सक्षम नेते आहेत. त्यांना मुख्यमंत्री म्हणून काम केल्याचा अनुभव आहे. त्यामुळे अशोक चव्हाण यांनी देखील विचार करायला हवा.

जगाने मोदींचे नेतृत्व स्वीकारले आहे. त्यामुळे अशोक चव्हाण यांनी देखील मोदींच्या नेतृत्वात काम करावं, असं राधाकृष्ण विखे पाटील यांनी म्हटलं आहे.