राज ठाकरेंच्या भेटीनंतर वसंत मोरेंची पहिली प्रतिक्रीया; म्हणाले...

मनसे नेते वसंत मोरे आणि निलेश माझिरे यांनी आज राज ठाकरेंची भेट घेतली.
राज ठाकरेंच्या भेटीनंतर वसंत मोरेंची पहिली प्रतिक्रीया; म्हणाले...
Vasant More Meet Raj ThckeraySaam Tv

मुंबई: पुणे मनसेमध्ये (MNS) गेल्या काही दिवसापासून सुरू असलेल्या नाराजीनाट्याला आज पूर्णविराम मिळाला आहे. मनसे नेते वसंत मोरे यांच्यासह दोन दिवसापूर्वी मनसेला राजीनामा दिलेले निलेश माझिरे यांनी आज मनसे अध्यक्ष राज ठाकरे यांची भेट घेतली. या भेटीनंतर वसंत मोरे यांची आणि निलेश माझिरे यांची नाराजी दूर झाली का या चर्चा सुरू झाल्या. यावर आता वसंत मोरे (Vasant More) यांनी प्रतिक्रीया दिली आहे.

निलेश माझिरे यांनी फेसबुकवरुन मनसेला राजीनामा देत असल्याची माहिती दिली होती. यानंतर पुणे मनसेतील अंतर्गत वाद चव्हाट्यावर आला होता. या चर्चांनंतर आज वसंत मोरे (Vasant More) यांनी निलेश माझिरे (Nilesh Mazire) यांच्यासह मनसे अध्यक्ष राज ठाकरे (MNS Raj Thackeray) यांची भेट घेतली. गेल्या काही दिवसांपासून निलेश माझिरे यांनी मनसेला राम-राम ठोकल्याची चर्चा सुरू होती.

Vasant More Meet Raj Thckeray
वसंत मोरेंसह निलेश माझिरे यांनी घेतली राज ठाकरेंची भेट; नाराजी दूर होणार का?

दरम्यान, वसंत मोरे यांनी राज ठाकरे यांच्या भेटीवर प्रतिक्राया दिली आहे. वसंत मोरे म्हणाले, मी माझी सगळी नाराजी राज ठाकरे यांना सांगितली. माझ्या नाराजीची दखल राज ठाकरे यांनी घेतली. मला आणि निलेश माझिरे यांना स्वत: राज ठाकरे यांनी भेटायला बोलावले होते. माझिरे आणि माझ्यावर अन्याय झाल्याचे मी सांगितले, यावर राज ठाकरे यांनी निलेश माझिरे यांची मनसे माथाडी कामगार सेना पुणे जिल्हा अध्यक्ष म्हणून नेमणूक केली आहे.

राज ठाकरे पुण्यात बैठकांना जाणार आहेत. त्याअगोदर शहर कार्यकारणीची बैठक घेणार आहेत. शहर कार्यालयात बैठक झाली तर जायचं नाही ही माझी भूमिका आहे. प्रत्येक पक्षात गटबाजी असते, असंही वसंत मोरे म्हणाले.

या भेटीनंतर वसंत मोरे यांनी ट्विट करुनही माहिती दिली. हीच माझ्या कामाची पावती!, मा. राजसाहेब ठाकरे यांच्या हस्ते निलेश माझीरे यांची महाराष्ट्र नवनिर्माण माथाडी कामगार सेना पुणे जिल्हा अध्यक्ष म्हणून नेमणूक करण्यात आली, असं ट्विट वसंत मोरे यांनी केलं आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com