'मविआ स्थापन झाली नव्हती, तेव्हापासून...'; पवारांच्या भेटीनंतर भुयारांनी स्पष्टच सांगितलं

महाविकास आघाडीच्या विरोधात मतदान केल्याच्या आरोपानंतर आज देवेंद्र भुयार यांनी शरद पवार यांची भेट घेतली.
'मविआ स्थापन झाली नव्हती, तेव्हापासून...'; पवारांच्या भेटीनंतर भुयारांनी स्पष्टच सांगितलं
Devendra BhuyarSaam Tv

मुंबई: राज्यसभेतील शिवसेनेच्या (Shivsena) पराभवानंतर शिवसेना खासदार संजय राऊत यांनी अपक्ष आमदारांवर आरोप केला होता. संजय राऊत यांनी निवडणूकीत दगाबाजी करणाऱ्या अपक्ष आमदारांची नावेही जाहीर केली. यात राऊत यांनी आमदार देवेंद्र भुयार यांच्यावरही आरोप केले होते. संजय राऊत यांच्या आरोपानंतर आज देवेंद्र भुयार यांनी राष्ट्रवादी काँग्रेसचे अध्यक्ष शरद पवार (Sharad Pawar) यांची भेट घेतली. या भेटीनंतर त्यांनी प्रतिक्रीया दिली.

देवेंद्र भुयार (Devendra Bhuyar) आज अपक्षांच्या भावना व्यक्त करण्यासाठी, संजय राऊत यांच्या बद्दल शरद पवार यांच्याकडे नाराजी व्यक्त करण्यासठी गेले होते. ''मी संजय राऊत यांच्या पक्षातून निवडून आलेलो नाही. मी काँग्रेस आणि राष्ट्रवादी काँग्रेसच्या आघाडी सोबत राहून निवडून आलो आहे, मग मी गद्दारी कशी केली, असा सवाल त्यांनी उपस्थित केला आहे.

Devendra Bhuyar
भाजपच्या हुकूमशाहीसमोर काँग्रेस झुकली नाही, झुकणारही नाही : अतुल लोंढेंचा इशारा

देवेंद्र भुयार म्हणाले, महाविकास आघाडीची ट्रायडंट हॉटेलला बैठक झाली, तेव्हा मुख्यमंत्री उद्धव ठाकरे आणि राष्ट्रवादीचे शरद पवार होते. या बैठकीत मी माझी खंत बोलून दाखवली. त्यामुळे निवडणुकीत जे झालं त्याचे खापर माझ्यावर फोडले जात आहे. याबाबत मी आज शरद पवार (Sharad Pawar) यांची भेट घेऊन त्यांच्याशी चर्चा केली आहे.

मी माझी सर्व बाजू शरद पवार (Sharad Pawar) यांना सांगितली आहे. यावेळी याबाबत काही तरी गैरसमज झाला आहे, असं शरद पवार म्हणाले, ते संजय राऊत यांच्याशी बोलणार आहेत असंही देवेंद्र भुयार म्हणाले. मी देखील आता शिवसेना नेते संजय राऊत यांच्याशी बोलणार आहे. पराभवाचे अशा पद्धतीने आमच्यावर खापर फोडल्याने लोकांमध्ये प्रतिमा खराब होईल, त्यामुळे मी लगेच मतदार संघात जाऊन पुन्हा मुंबईत आलो आहे, मी मुख्यमंत्र्यांची देखील वेळ मागितली आहे. आता निधी मिळाला नाही तरी चालेल, असंही भुयार म्हणाले.

Devendra Bhuyar
'राज्यसभा निवडणुकीत गाफील राहून पराभव झाला, मात्र...'; एकनाथ खडसेंचे सूचक वक्तव्य

विकास कामाच्या निधावर बोलताना भुयार म्हणाले, आम्ही आमच्या कामासाठी निधी मागत नाही. लोकांच्या कामासाठी निधी लागतो. महाविकास आघाडीची (Mahavikas Aaghadi ) स्थापन झाली नव्हती., तेव्हापासून मी राष्ट्रवादीसोबत आहे, असंही देवेंद्र भुयार म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com