मुंबई: राज्यसभेच्या महाराष्ट्रातील सहा जागांसाठी शुक्रवारी मतदान घेण्यात आले. मतदान प्रक्रियेदरम्यान भाजप आणि महाविकास आघाडीनं परस्परांच्या आमदारांची मते नियमाबाह्य असल्याचा आक्षेप नोंदवल्यानंतर मतमोजणी रखडली होती. निवडणूक आयोगाकडे यासंबंधी तक्रारी गेल्या होत्या. निवडणूक आयोगानं व्हिडिओ फुटेज तपासल्यानंतर ऑर्डर काढून मतमोजणीला परवानगी दिली. आमदार सुहास कांदे यांचे मत बाद ठरवण्यात आले. त्यानंतर निवडणूक आयोगाने मतमोजणी घेण्यास परवानगी दिली. अनेक तासांच्या नाट्यमय घडामोडींनंतर अखेर मध्यरात्री निवडणूक मतमोजणीला सुरुवात झाली. छाननीनंतर सर्वच्या सर्व २८४ मते वैध ठरवण्यात आली. (Rajya Sabha Election 2022 Result)
महाविकास आघाडीचे संजय राऊत, इम्रान प्रतापगढी आणि प्रफुल्ल पटेल हे विजयी झाले आहेत. तर भाजपचे पीयूष गोयल आणि अनिल बोंडे हे विजयी झाले आहेत.
महाविकास आघाडीचे तीन, भाजपचे दोन उमेदवार विजयी
प्रफ्फुल पटेल - ४३ मते
शिवसेनेचे संजय राऊत - ४२ मते
पीयूष गोयल - ४८ मते
अनिल बोंडे - ४८ मते
प्रतापगढी - ४४ मते
राज्यसभेच्या सहा जागांसाठी शुक्रवारी मतदान झालं. मतदान प्रक्रिया पूर्ण झाली. मात्र मतमोजणीला सुरुवात होऊ शकली नाही. सुरुवातीला भाजपनं (BJP) जितेंद्र आव्हाड आणि यशोमती ठाकूर, तसेच सुहास कांदे यांचे मतदान नियमबाह्य झाल्याचे सांगत आक्षेप नोंदवला होता. त्यानंतर महाविकास आघाडीनंही (Mahavikas Aghadi) रवी राणा आणि सुधीर मुनगंटीवार यांचे मतदान नियमबाह्य झाल्याचा आक्षेप नोंदवला.
निवडणूक आयोगाकडे तक्रारी गेल्यानंतर व्हिडिओ मागवून घेतला होता. व्हिडिओ फुटेज तपासल्यानंतर निवडणूक आयोगानं ऑर्डर काढली. त्यानंतर मतमोजणीला परवानगी दिली. निवडणूक आयोगाने आमदार सुहास कांदे यांचे मत बाद ठरवून मतमोजणीला सुरुवात करण्यात परवानगी दिली. त्यानंतर मतमोजणीला सुरुवात झाली होती.
दरम्यान, निवडणूक मतमोजणीला सुरुवात होताच, विधानभवन परिसरात पोलिसांचा प्रचंड बंदोबस्त होता. पोलिसांनी खबरदारी म्हणून सर्वपक्षीय कार्यकर्त्यांना विधानभवन परिसरातून बाहेर काढण्यास सुरुवात केली.
राज्यसभा निवडणुकीतील उमेदवार (पक्षनिहाय)
शिवसेना - संजय राऊत (Sanjay Raut) , संजय पवार
भाजप - पीयूष गोयल, धनंजय महाडीक, अनिल बोंडे
काँग्रेस - इम्रान प्रतापगढी
राष्ट्रवादी काँग्रेस - प्रफुल्ल पटेल
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
