सचिन जाधव
Ravindra Dhangekar News : कसबा पेठ मतदारसंघाच्या पोटनिवडणुकीत काँग्रेसच्या रवींद्र धंगेकर यांनी भाजपचे हेमंत रासने यांचा पराभव केला. २८ वर्षानंतर कसबा पेठ मतदारसंघात भाजपच्या उमेदवाराचा पराभव झाला आहे. आज कसबा पेठ मतदारसंघातून पाच वेळा निवडून विधिमंडळात गेलेले भाजप खासदार गिरीश बापट यांची भेट नवनिर्वाचित काँग्रेस आमदार रवींद्र धंगेकर यांनी घेतली. याचदरम्यान, या भेटीनंतर रवींद्र धंगेकरांनी यावेळी गिरीश बापट यांना पोटनिवडणुकीत न भेटण्याचं कारण सांगितलं. (Latest Marathi News)
कसब्याचे नवनिर्वाचित आमदार रविंद्र धंगेकर पुण्याचे खासदार गिरीश बापट (Girish Bapat) यांची भेट घेतली. खासदार गिरीश बापट गेले काही दिवसांपासून आजारी आहेत. भाजपचे गिरीश बापट यांची कसबा पेठ मतदारसंघातून पाचवेळा आमदार म्हणून निवडून आले आहेत. काँग्रेसचे धंगेकर यांनी या पोटनिवडणुकीत जिंकून इतिहास रचला आहे.
काँग्रेस (Congress) आमदार रवींद्र धंगेकर यांनी गिरीश बापट यांच्या भेटीनंतर प्रसार माध्यमांना प्रतिक्रिया दिली आहे. रवींद्र धंगेकर म्हणाले, 'दोन वेळा गिरीश बापट यांच्या विरोधात निवडणूक लढवली. तेव्हा निवडणूक खेळीमेळीत झाली होती. बापट हे सर्वसमावेशक राजकारण करत होते. आज भाजप वेगळं राजकारण करत आहे'.
गिरीश बापट यांचा संदेश सांगताना रवींद्र धंगेकर म्हणाले, 'अडचण येईल, तेव्हा मला सांग मी मदत करेल. पुढच्या काळासाठी शुभेच्छा' असा संदेश बापट यांनी धंगेकर यांना दिला. तसेच गिरीश बापट यांच्या भेटीनंतर मन भरून आल्याचे धंगेकर यांनी सांगितलं.
पुढे म्हणाले, 'गिरीश बापट यांनी कधीही कुरघोडीचं राजकारण केलं नाही. निवडणूक काळात ते आजारी होते. मी पोटनिवडणुकीत भेटलो असतो तर भाजपचा त्यांच्यावर संशय आला असता'. त्यामुळे निवडणूक जिंकल्यानंतर गिरीश बापट यांचा आशीर्वाद घेण्यासाठी आलो, असेही धंगेकरांनी सांगितले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.