Raigad News : रेवदंडा खाडीवरील पुल अवजड वाहतूकीसाठी बंद

- सचिन कदम

Raigad News : अलिबाग (alibag) आणि मुरुड (murud) या दोन तालुक्यांना जोडणारा रेवदंडा खाडीवरील पुल (revdanda bridge) अवजड वाहनांना वाहतुकीसाठी बंद करण्यात आला आहे. हा पुल नादुरुस्त झाल्याने हा निर्णय घेण्यात आला असून त्याबाबतचे आदेश रायगड जिल्हाधिकारी यांनी काढले आहेत. (Breaking Marathi News)

सार्वजनिक बांधकाम विभागाच्या अहवालानंतर रायगड जिल्हाधिकारी डॉ. योगेश म्हसे यांनी पुलावरून पाच टनावरील वाहतूक बंद करण्याचे आदेश जारी केले आहेत. छोट्या वाहनांच्या वाहतुकीसाठी हा पुल खुला आहे. अवजड वाहनांनी पर्यायी मार्गाचा वापर करावा असे अवाहन रायगड जिल्हाधिकारी आणि सार्वजनिक बांधकाम विभागा मार्फत करण्यात आला आहे.

त्यामुळे वाहतुकदारांनी रोहा किंवा तळा या पर्यायी मार्गाचा अवलंब करावा लागणार आहे. तरी वाहतुकदारांनी रेवदंडा खाडीवरील पुल अवजड वाहनांना वाहतुकीसाठी बंद करण्यात आला याची नाेंद घ्यावी.

Edited By : Siddharth Latkar