रुपाली बडवे -
मुंबई : छत्रपती संभाजीराजे हे आपल्या हृदयात आहेतच त्यांचे स्मारकदेखील मनाचा ठाव घेणारे असावे. संभाजी महाराजांचे (Sambhaji Maharaj) आयुष्य संघर्षमय असे होते. त्यांच्या आयुष्यात अनेक चढ उतार होते, त्यांच्या आयुष्यातील घटनांचे प्रतिबिंब हे स्मारक पाहणाऱ्यांच्या मनात उमटावेत इतकं भव्य, देखणे आणि अर्थपूर्ण असे स्मारक व्हावं असे निर्देश मुख्यमंत्री उद्धव ठाकरे (Uddhav Thackeray) यांनी आज दिले.
मुख्यमंत्री उद्धव ठाकरे यांच्या अध्यक्षतेखाली छत्रपती संभाजी महाराज समाधी विकास आराखडा शिखर समितीची बैठक आज पार पडली यावेळी उपमुख्यमंत्री अजित पवार, गृह मंत्री दिलीप वळसे-पाटील, सार्वजनिक बांधकाम मंत्री अशोक चव्हाण, महसूल मंत्री बाळासाहेब थोरात, ग्रामविकास मंत्री हसन मुश्रीफ, सांस्कृतिक कार्य मंत्री अमित देशमुख, खासदार अमोल कोल्हे, आमदार अशोक पवार आदी उपस्थित होते. या बैठकीत तुळापूर व वढु बुद्रुक येथील छत्रपती संभाजी महाराज समाधी स्मारक आराखड्याबाबत संकल्पना सादर करण्यात आला आहे.
हे देखील पाहा -
मागील काही दिवसांपुर्वी उपमिख्यमंत्री अजित पवार (Ajit Pawar) यांच्या अध्यक्षतेखाली विधान भवन पुणे येथे झालेल्या जिल्हा नियोजन समितीच्या बैठकीत स्वराज्य रक्षक संभाजी महाराज यांचे तुळापूर येथील स्मारक आणि वढू बुद्रुक येथील समाधीस्थळाच्या २६९ कोटी ३४ लक्ष रुपयांच्या विकास आराखड्यास मान्यता देण्यात आली होती.
यावेळी उपमुख्यमंत्र्यांनी छत्रपती संभाजी महाराज स्मारक आणि वढू बुद्रुक (Vadhu Budruk) येथील संभाजी महाराजांच्या समाधीस्थळ विकास आराखड्याबाबत जिल्हाधिकारी यांच्या अध्यक्षतेखालील समितीने काम सुंदर आणि भव्य होईल याकडे विशेष लक्ष द्यावे.
स्मारक आणि समधीस्थळाला भेट देण्यासाठी मोठ्या प्रमाणात नागरिक येण्याची शक्यता लक्षात घेता वाहनतळाचे योग्य नियोजन करावे, लोकप्रतिनिधींनी याबाबत सूचना केल्यास त्यांचाही अंतर्भाव करण्यात येईल, असेही पवार यांनी सांगितले होते त्यानुसार आता आज मुख्यमंत्र्यांनी देखील हे स्मारक उत्तम प्रकारे उभारण्याचे निर्देश दिले आहेत.
Edited By - Jagdish Patil
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.