मुंबई : संभाजीराजे छत्रपती (Sambhaji Raje Chhatrapati) यांनी परिवर्तन क्रांतीची घोषणा केली आहे. येत्या ९ ऑगस्टपासून तुळजापूर (Tuljapur) येथून परिवर्तन क्रांतीची सुरूवात होईल. अशी माहिती संभाजीराजे छत्रपती यांनी दिली आहे. आज सकाळी संभाजीराजेंनी याबाबतंच ट्विट केलं. (Sambhajiraje Chhatrapati Latest News)
'क्रांती दिनी होणार महाराष्ट्राच्या परिवर्तनाच्या क्रांतीची सुरूवात...भेटूया ९ ऑगस्ट रोजी तुळजापूरला...' असं संभाजीराजेंनी आपल्या ट्विटमध्ये म्हटलं आहे. गेल्या काही दिवसांपूर्वी तुळजाभवानी मंदिरात छत्रपती संभाजीराजे यांना प्रवेश नाकारण्यात आला होता. यामुळे मोठा वादंग निर्माण होऊन तुळजापूर शहर बंद देखील ठेवण्यात आले होते. या प्रकारामुळे जनभावना दुखावली गेली होती.
यानंतर संभाजीराजे हे प्रथमच तुळजापूरला येत आहेत. या घटनाक्रमाच्या पार्श्वभूमीवर संभाजीराजे यांनी क्रांती दिनी तुळजापूर येथून परिवर्तनाच्या क्रांतीची सुरुवात करणार असल्याचे ट्विट केलं आहे.
त्यामुळे राज्यातील सामाजिक व राजकीय वर्तुळाचे याकडे लक्ष लागून राहिलेले आहे.संभाजीराजे यांनी स्थापन केलेल्या स्वराज्य संघटनेच्या माध्यमातून तुळजापूर येथे नेमके काय केले जाणार आहे, याबाबत उत्सुकता निर्माण झाली आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
