Sameer Wankhede: समीर वानखेडे जन्माने मुस्लिम नाहीत! समितीने तक्रार फेटाळली, नवाब मलिक यांना झटका

Sameer Wankhede Latest News: राज्याचे माजी अल्पसंख्यांक मंत्री आणि राष्ट्रवादीचे प्रवक्ते नवाब मलिक यांनी समीर वानखेडेंचे जात प्रमाणपत्र बनावट असल्याचे आरोप केले होते.
Sameer Wankhede Is Not Muslim
Sameer Wankhede Is Not MuslimSaam TV

मुंबई: कार्डिलिया क्रुझ प्रकरणी चर्चेत आलेले एनसीबीचे (नार्कोटिक्स कंट्रोल ब्युरोचे-NCB) माजी विभागीय संचालक समीर वानखेडे (Sameer Wankhede) यांना जिल्हा जात प्रमाणपत्र पडताळणी समितीने मोठा दिलासा दिला आहे. समीर वानखेडे हे जन्माने हिंदुच आहेत, ते जन्माने मुस्लिम असल्याचे सिद्ध होत नाही असं म्हणत समितीचा निकाल समीर वानखेडेंच्या बाजूने लागला आहे. राज्याचे माजी अल्पसंख्यांक मंत्री आणि राष्ट्रवादीचे प्रवक्ते नवाब मलिक यांनी समीर वानखेडेंचे जात प्रमाणपत्र बनावट असल्याचे आरोप केले होते, त्यानंतर हे प्रकरण जिल्हा जात प्रमाणपत्र पडताळणी समितीकडे गेले होते. आता याप्रकरणी समीर वानखेडेंच्या बाजूने निकाल लागला आहे. (Sameer Wankhede Latest News)

हे देखील पाहा -

माजी एनसीबी अधिकारी समीर वानखेडे हे जन्माने मुस्लिम नाहीत. समीर वानखडेंच्या वडिलांनी हिंदु धर्माचा त्याग करून मुस्लिम धर्माचा स्विकार केल्याचे सिद्ध होत नाही. समीर वानखडे हिंदु महार ३७ अनुसुचित जातीचे असल्याचे सिद्ध होत आहे. समीर वानखडेंविरोधात केलेली तक्रार सिद्ध होत नसल्यामुळे जिल्हा जात प्रमाणपत्र पडताळणी समितीने वानखेडेंलविरोधातली तक्रार फेटाळली आहे.

नेमकं काय आहे प्रकरण?

माजी एनसीबी अधिकारी समीर वानखेडे यांचे जात प्रमाणपत्र बनावट असल्याचा आरोप मलिक यांनी केल्यानंतर समितीसमोर याप्रकरणी अनेक तक्रारी करण्यात आल्या होत्या. २०२१ च्या ऑक्टोबरमध्ये समीर वानखेडे आणि त्याच्या टीमने बॉलिवूड अभिनेता शाहरुख खानचा मुलगा आर्यन खान याला अटक केली होती. यानंतर महाराष्ट्राचे मंत्री नवाब मलिक, ज्यांच्या जावयालाही एनसीबीने अटक केली होती, त्यांनी समीर वानखेडेंवर भ्रष्टाचार आणि खंडणीचा आरोप केला होता.

Sameer Wankhede Is Not Muslim
Sangli: दारुच्या वादातून तिघांना मारहाण करत घरासह दोन दुचाकी पेटवल्या; प्रकरणाला जातीय रंग?

मलिक यांनी समीर वानखेडे यांच्यावर जातीचे प्रमाणपत्र बनावट असल्याचा आणि नोकरी मिळवण्यासाठी तो अनुसूचित जातीचा असल्याचा खोटा दावा केल्याचा आरोपही मलिकांनी केला होता. यानंतर, महाराष्ट्र सरकारच्या जात दक्षता समितीने समीर वानखेडे यांच्यावर नवाब मलिक यांनी केलेल्या जात प्रमाणपत्रासंबंधीच्या आरोपांची चौकशी सुरू केली. याता आता वानखेडेंना मोठा दिलासा मिळाला आहे.

वानखेडेंच्या पहिल्या पत्नीच्या वडिलांचे आरोप (Video)

समीर वानखेडेंच्या पहिल्या पत्नीचे वडील डॉ. जाहिद कुरेशी यांनी साम टीव्हीशी बोलताना काही माहिती उघड केली होती. डॉ.जाहिद कुरेशी म्हणाले होते की, ''समीर वानखेडे मुस्लीम होते म्हणूनच आम्ही लग्न ठरवलं. लग्नासाठी त्यांच्याकडून विचारणा झाली होती. समीर वानखेडे नमाज पढायचे. रोजा पढायचे. त्यांच्या घरी मुस्लीम धर्माचे पालन होत होते. त्यांच्या वडिलांचे नाव 'दाऊद वानखेडे' होतं. त्यांची आई चांगली होती. त्यांच्या निधनानंतर काय झाले माहिती नाही. मुस्लीम असल्याशिवाय 'निकाह' झाला नाही. आमच्यासोबत धोका झाला असं आम्हाला वाटत नाही कारण आमचा आता काही संबंध नाही''.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com