मोठी बातमी! संजय राऊतांच्या अडचणी वाढल्या; ४ ऑगस्टपर्यंत ईडी कोठडी

शिवसेना नेते संजय राऊत यांना ४ ऑगस्टपर्यंत ईडीची कोठडी देण्यात आली आहे.
Sanjay Raut Latest News
Sanjay Raut Latest Newssaam tv

मुंबई: शिवसेना नेते संजय राऊत (Sanjay Raut) यांच्या अडचणी वाढल्या आहेत. ४ ऑगस्टपर्यंत ईडी कोठडी देण्यात आली आहे. ईडीने अगोदर ८ दिवसांच्या कोठडीची मागणी केली होती, पण कोर्टाने तीन दिवसांची ईडी कोठडी दिली आहे.

काल खासदार संजय राऊत यांच्या निवासस्थानी ईडीने धाड टाकली. ईडीने सलग ९ तास चौकशी केली. या चौकशीनंतर राऊत यांची रात्री १ च्या दरम्यान त्यांना अटक केली. सकाळी मेडिकल तपासणी करुन राऊत यांना कोर्टात आणले. आज कोर्टात सुनावणी झाली. (Sanjay Raut Latest News)

Sanjay Raut Latest News
केदार दिघेंनी मुख्यमंत्री एकनाथ शिंदे यांना उत्तर दिलं, उद्धव ठाकरे स्पष्टच बोलले

ईडीने (ED) सुरुवातीला आठ दिवसांची ईडी कोठडीची मागणी केली होती, पण कोर्टाने चौकशीसाठी आठ दिवसांची गरज नाही म्हणत तीन दिवसांची कोठडी दिली आहे. संजय राऊत हार्ट पेशंट आहेत ते तपासाला मदत करत आहेत, असा युक्तीवाद राऊत यांच्या वकीलांनी केला. ४ तारखेला पुन्हा संजय राऊत यांना ईडीच्या कोर्टासमोर उभे केले जाणार आहे.

Sanjay Raut Latest News
Ashok Chavan : अशोक चव्हाण भाजपमध्ये जाणार? नांदेडमध्ये चर्चांना उधाण

ईडी (ED) कोठडीत राऊत यांना घरचे जेवन देण्याची परवानगी कोर्टाने दिली आहे. संजय राऊत यांना प्रवीण राऊत यांच्याकडून पैसे कसे मिळाले, त्या पैशाचा त्यांनी कसा वापर केला. तसेच प्रविण राऊत यांचा महिन्याचा खर्च, विमानाची तिकिटे संजय राऊत काढून द्यायचे असा आरोप ईडीने केला.

संजय राऊत यांच्या वकिलांनी हे आरोप फेटाळले. राजकारण करुन संजय राऊत यांना अडकवण्याचा प्रयत्न केला जात आहे, असा युक्तीवाद राऊत यांच्या वकीलांनी केला. तसेच यावेळी कोर्टाने यावर ३ दिवसांची कोठडी दिली, या चौकशीसाठी आठ दिवसांची कोठडीची आवश्यक्ता नाही, असं कोर्टाने म्हटले. (ED Latest News)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com