संजय राऊत रोजच जोकरसारखी स्टेटमेंट करतात; फडणवीसांचा टोला

'ईडी आम्हाला भाडे तत्वावर द्या, देवेंद्र फडणवीसांना देखील महाविकास आघाडीला मतदान करायला लावेन'
संजय राऊत रोजच जोकरसारखी स्टेटमेंट करतात; फडणवीसांचा टोला
sanjay raut devendra fadnavisSaam TV

सुशांत सावंत-

मुंबई : संजय राऊत (Sanjay Raut) हे रोजच जोकरसारखी स्टेटमेंट देत असतात, असं म्हणत देवेंद्र फडणवीसांनी शिवसेना नेते संजय राऊत यांना टोला लगवाला आहे. फडणवीस आज पत्रकार परिषदेत बोलत होते.

'ईडी आम्हाला भाडे तत्वावर द्या, मग देवेंद्र फडणवीसांना (Devendra Fadnavis) देखील महाविकास आघाडीला मतदान करायला लावेन.' असं वक्तव्य संजय राऊतांनी केलं होतं. याबाबत एका पत्रकाराने फडणवीसांना प्रश्न विचारला असता ते म्हणाले, 'राऊतांना आपण जोकर म्हणणार नाही मात्र, ते रोजच जोकर सारखी स्टेटमेंट करत असतात असं फडणवीस म्हणाले.

तसंच विधान परिषदेच्या निवडणुकीमध्ये (Legislative Council Election) भाजपचा पाचवा उमेदवार निवडून येईल असा विश्वास देखील फडणवीसांनी यावेळी व्यक्त केला. ते म्हणाले, सत्ताधारी पक्षात अस्थिरता असून काँग्रेसने त्यांचा एक उमेदवार मागे घेण्यास नकार दिल्याने ही निवडणुक होणार आहे. जर त्यांनी आपला उमेदवार मागे घेतला तर ही निवडणूक बिनविरोध झाली असती मात्र आता ११ उमेदवार रिंगणात असल्यामुळे ही निवडणूक होत असल्याचं फडणवीस म्हणाले.

हे देखील पाहा -

दरम्यान, सदाभाऊ खोत यांनी अर्ज मागे घेतला कारण, आमच्याकडे आम्ही सहा लढवायचे की पाच अशी चर्चा झाली त्यानंतर प्रदेशाध्यक्ष चंद्रकांत पाटील यानी आपण पाच जागा लढवुया असं सांगितलं आम्ही सदाभाऊ खोत यांचा अर्ज मागे घेतला असल्याचं ते म्हणाले.

तसंच पंकजा मुंडे या भाजपच्या नेत्या आहेत, त्या राष्ट्रीय स्थरावर काम करत आहेत. आम्ही सगळेच एकमेकांच्या संपर्कात असतो. असं म्हणत त्यांनी पंकजा मुंडे यांनी विधान परिषदेची उमेदवारी का दिली नाही या पत्रकारांच्या प्रश्नावर प्रतिक्रिया दिली.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com