त्या शेतकरी कुटुंबांना PM केअर फंडाची मदत द्या : संजय राऊत

पंतप्रधान सहहदयी आहेत ते निश्चित मदत करतील अशी खात्री असल्याचे संजय राऊत यांनी नमूद केले.
त्या शेतकरी कुटुंबांना PM केअर फंडाची मदत द्या : संजय राऊत
Narendra Modi Sanjay RautSaamTV

मुंबई : तीन कृषी कायद्यांविराेधात देशासह विदेशात आंदाेलन झाले. त्यातून एेतिहासिक विजय झाला. या आंदाेलनकाळात ज्या शेतक-यांच्या कुटुंबाची वाताहात झाली त्या कुटुंबांना केंद्र सरकारने पीएम केअर फंड (PM Care Fund) यामधून मदत झाली पाहिजे, ही मागणी रास्त असल्याचे शिवसेनेचे खासदार संजय राऊत (sanjay raut) यांनी नमूद केले.

संजय राऊत म्हणाले गेल्या दीड वर्षात सातशेच्या आसपास शेतकरी आंदाेलन स्थळी मारले गेले. काहींनी आत्महत्या केल्या. सरकारच्या गाेळीबारात, लखमीपूरला शेतक-यांना चिरडून मारले गेले. शेतक-यांच्या एकजूटीमुळे सरकारने विशेषत: पंतप्रधान नरेंद्र माेदींनी (narendra modi) हे कायदे मागे घेतले.

Narendra Modi Sanjay Raut
जावळीतील वादानंतर NCP चे आमदार शशिकांत शिंदे म्हणाले...!

या सर्व शेतक-यांची कुटुंब उघड्यावर पडली आहेत. या शेतक-यांना मदत करावी अशी मागणी हाेत असेल तर गैर नाही. पीएम केअर फंडमध्ये अमर्याद पैसे पडले आहेत. बेहिशाेबी पैसे पडले आहेत. केवळ शेतक-यांची माफी मागून चालणार नाही. त्या सातशे कुटुंबांना आधार देणे गरजेचे आहे. पंतप्रधान सहहदयी आहेत ते निश्चित मदत करतील अशी खात्री असल्याचे संजय राऊत यांनी नमूद केले.

संप मिटण्यासाठी सरकारचे प्रयत्न सुरू

राज्य परिवहन महामंडळाच्या कर्मचा-यांनी पुकारलेला संप मिटावा यासाठी सरकारचे प्रयत्न सुरु आहेत. मंत्री अनिल परब हे दिवस-रात्र बैठका घेत आहेत. मार्ग काढत आहेत. प्रयत्न करत आहेत. परंतु काही संघटना किंवा काही राजकीय पक्ष आडमुठेपणाने वागत असतील तर त्यातून अडथळे निर्माण होताहेत हे लक्षात घेतलं पाहिजे.

edited by : siddharth latkar

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com