संजय राऊत यांच्यानंतर पत्नी वर्षा राऊत यांना ईडीने समन्स बजावले

खासदार संजय राऊत यांच्या कोठडीत ८ ऑगस्टपर्यंत वाढ करण्यात आली आहे.
Sanjay Raut
Sanjay RautSaam Tv

मुंबई: शिवसेनेचे (ShivSena) खासदार संजय राऊत यांच्या अडचणीत वाढ सुरू असताना आता त्यांच्या पत्नी वर्षा राऊत यांना ईडीने समन्स बजावले आहे. पत्राचाळ घोटाळा प्रकरणी ईडीने संजय राऊत यांना ताब्यात घेतले आहे. या प्रकरणी ईडी वर्षा राऊत यांची चौकशी करणार आहे.

शुक्रवार,५ ऑगस्ट रोजी सकाळी ११ वाजता ईडीने वर्षा राऊत यांना चौकशीसाठी बोलावले आहे. खासदार संजय राऊत (Sanjay Raut) यांच्या कोठडीत ८ ऑगस्टपर्यंत वाढ करण्यात आली आहे. ईडीने विशेष न्यायालयाकडे राऊत यांच्या कोठडीत वाढ करण्याची मागणी केली होती, न्यायालयाने मान्य केली आहे. न्यायालयाने राऊत यांच्या कोठडीत चार दिवसांची वाढ केली आहे.

Sanjay Raut
Mumbai Bank : महाविकास आघाडीला मोठा धक्का; भाजपची खेळी ठरली यशस्वी

मुंबईतील पत्राचाळीच्या पुनर्विकासातील कथित अनियमिततेशी संबंधित एका प्रकरणात ईडीने ३१ जुलैच्या रात्री संजय राऊत यांना अटक केली होती.

ईडीने १ ऑगस्ट रोजी संजय राऊत यांना विशेष पीएमएलए न्यायालयात हजर केले होते, आणि ८ दिवसांची कोठडी मागितली होती. मात्र, न्यायमूर्तींनी बचाव पक्ष आणि सरकारी पक्षाचा युक्तिवाद ऐकल्यानंतर आठ दिवसांच्या कोठडीची आवश्यकता नसल्याचे सांगितले होते. त्यांना ४ ऑगस्टपर्यंत कोठडी सुनावली होती.

Sanjay Raut
Gopichand Padalkar : गोपीचंद पडळकरांविरोधात पुण्यात तक्रार दाखल; काय आहे प्रकरण?

आज कोठडी संपल्यानंतर ईडीने (ED) संजय राऊत यांना न्यायालयात हजर केले आणि संजय राऊत यांच्या कोठडीत वाढ करण्याची मागणी केली. न्यायालयाने संजय राऊत यांना ८ ऑगस्टपर्यंत ईडी कोठडी सुनावली आहे.

संजय राऊत यांची पत्नी वर्षा राऊत यांच्या खात्यातून झालेल्या व्यवहाराप्रकरणी ईडीने माहिती दिली. 'आम्हाला काही कागदपत्रे मिळाली आहेत, ज्यामध्ये अनेक खुलासे झाले आहेत. कागदपत्रांवरून मनी लॉड्रिंगची माहिती समोर आली आहे. तपासादरम्यान आणखी १.१७ कोटीचे प्रकरण समोर आल्याचे ईडीने सांगितले आहे. याअगोदर १.०६ कोटींच्या व्यवहारांचीही माहिती मिळाली होती. बँक खाते तपासल्यानंतर काही अज्ञातांनी वर्षा राऊत यांना पैसे दिल्याचे आढळून आले आहे, असंही ईडीने म्हटले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com