पुणे: पिंपरी-चिंचवड (Pimpri-Chinchwad) शहरातील देहूरोड पोलीस स्टेशनच्या हद्दीमध्ये एक शाळकरी मुलगी (School Girl) चक्क शाळेच्या गणवेशात दारू विकत असल्याचा धक्कादायक व्हिडिओ साम टीव्हीच्या हाती लागला आहे. शाळेच्या गणवेशामध्ये ही मुलगी दारुड्यांना दारुचे फुगे विकत असल्याचं या व्हिडिओमध्ये अगदी स्पष्ट दिसत आहे. (A school girl is selling alcohol)
हे देखील पाहा -
ज्या वयात लहान मुलांनी शाळेचा गणवेश घालून अभ्यास करायला हवा, त्या वयात या लहान मुलीला दारुचे फुगे विकावे लागत आहे. ही मुलगी ज्या घरात राहते त्या घरात दारुचा व्यवसाय जोरात होत असल्याची माहिती समोर आली आहे. देहूरोड पोलीस स्टेशनच्या आशीर्वादानेच देहूरोड पोलीस स्टेशन हद्दीतील शिवाजीनगर, एम. बी. कॅम्प, पोटर चाळ आणि पार्टी चाळमध्ये अवैध दारु विक्रीचा जोरदार धंदा मोठ्या प्रमाणात सुरू आहे.
देहूरोड पोलीस स्टेशन हद्दीत शाळकरी मुलगी शाळेच्या गणवेशात दारू विकत असल्याचं लक्षात येताच पोलिसांची मात्र तारांबळ उडाली आहे. पिंपरी-चिंचवड पोलिसांनी यात मात्र सावध पवित्रा घेतला आहे. "आम्ही त्या दारुड्याची लगेच माहिती घेऊन त्यावर धाड टाकून करवाई करणार आहोत" अशी माहिती पोलिसांनी साम टीव्हीला दिली आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
