मुंबई: कोरोना संकटामुळं मुंबईतील लोकल सर्वांसाठी अद्याप सुरू झाल्या नाहीत. लशीचे दोन डोस झालेल्या प्रवाशांनाच सध्या प्रवासाची मुभा आहे. अजूनही अनेक लोक मुंबई लोकलने प्रवास करण्याच्या प्रतीक्षेत आहेत. हाच विषय घेऊन मुंबईतील तरूणानं लोकलचा देखावा साकारलाय. याच लोकलमध्ये लाडका बाप्पा विराजमान झालाय. (See this beautiful scene of Ganpati Bappa based on the theme of Mumbai's local train)
हे देखील पहा -
घाटकोपरच्या गंगावाडीमध्ये रहाणाऱ्या राहुल वरीया या कलाकाराने आपल्या घरातील गणपती बाप्पा हा चक्क मुंबईची लाईफलाईन असलेल्या लोकलमध्ये विराजमान केला आहे. वरीया कुटुंब गेले ९ वर्ष घाटकोपरमधील गंगावाडी येथील गोपाळ भुवनमधील घरात गणपती बसवीत आहेत. मात्र त्यांच्या घरातील गणपती आणि आरास ही विशिष्ट असते. कारण त्यांची पर्यावरणपूरक गणेश मूर्ती आणि आरास हे स्वतः अपलाईड आर्टचे विद्यार्थी असलेले राहुल हेच करीत असतात.
यंदा त्यांनी सुमारे ४ फूट लांब आणि २ फूट उंच मुंबईच्या लोकलचा घाटकोपर रेल्वे स्थानकात उभा डब्बा बनविला आहे. यात घाटकोपर रेल्वे स्थानक आणि लोकलच्या डब्यात १ फुटाची गणपतीची शाडूच्या मातीची मूर्ती विराजमान आहे. कागद, सनबोर्ड आणि कागदी स्ट्रॉ च्या सहाय्याने मिनियेचर कलेच्या माध्यमातून सुंदर अशी लोकल आणि स्थानक त्याने तयार केली आहे.
गेले महिनाभर आधी स्केच बनविणे, बारकावे शोधणे आणि मग या वस्तूंच्या सहाय्याने ही लोकल बनविणे हे काम राहुल आणि त्याचे सहकारी दोन मित्रांनी हा अतिशय सुंदर देखावा तयार केला आहे. गेले दोन वर्षे मुंबईची ही जीवनवाहिनी असलेली लोकल सामान्यांसाठी बंद आहे. यंदाचा गणपती बाप्पा हा या लोकल मधूनच लोकांची संकटे दूर करण्यास आला आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
