सचिन जाधव, पुणे
Pune Crime News: पुण्यातील सिंहगड परिसरात सोशल मीडियाच्या माध्यमातून अंमली पदार्थाची (मेफेड्रॉन आणि चरस) विक्री करणाऱ्या दोन तरुणांना पोलिसांनी अटक केली आहे. या तरुणांच्या ताब्यातून दोन लाख रुपयांचे अंमली पदार्थ जप्त करण्यात आले आहेत. (Pune Latest News)
मिळालेल्या माहितीनुसार, आरोपी सोशल मीडियाच्या माध्यमातून अंमली पदार्थ (Narcotics) विकत असल्याची माहिती पोलिसांना मिळाली होती. अंमली पदार्थ विरोधी पथकाचे कर्मचारी गस्त घालत असताना यावेळी त्यांना हे आरोपी अंमली पदार्थ विकत असताना दिसले.
तेव्हा पोलिसांनी (Pune Police) त्यांना ताब्यात घेऊन त्यांची अंग झडती घेतली. यावेळी त्यांच्याकडून दोन लाख रुपयाचं मेफेड्रॉन आणि चरस सापडले. या दोघांविरोधात सिंहगड रस्ता पोलीस ठाण्यात गुन्हा (Crime) दाखल करण्यात आला आहे.
अनिकेत जनार्दन दांडेकर (वय 20) आणि आकाश महिंद्र ठाकर (वय 22) अशी अटक करण्यात या दोघांची नावे आहेत. सिंहगड रस्ता परिसरातील अखिल ओमकार मित्र गणेश मंडळ गणेश मंदिरासमोर ही कारवाई करण्यात आली आहे. याप्रकरणी पोलीस अधिक तपास करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.