Sharad Pawar: यापुढे गर्दी जमणारे कार्यक्रम स्विकारणार नाही

देशातील 60 टक्के सहकार महाराष्ट्रात आहे. सहकारात महाराष्ट्र आणि गुजरात अग्रेसर आहे.
Sharad Pawar: यापुढे गर्दी जमणारे कार्यक्रम स्विकारणार नाही
Sharad Pawar: यापुढे गर्दी जमणारे कार्यक्रम स्विकारणार नाही

पुणे : ''मुख्यमंत्र्यांचे आवाहन योग्य आहे, असे म्हणत राष्ट्रवादी कॉंग्रेसचे (NCP) अध्यक्ष शरद पवार (Sharad Pawar) यांनी यापुढे हजारो संख्येने लोक असतील ते कार्यक्रम स्वीकारणार नाही स्पष्ट केलं. गेलो तरी हॉलमधील कार्यक्रमाला जाणार. तिथे खुर्च्यांमधील अंतर असेल तरच जाणार, असं त्यांनी जाहीर केलं. पुण्यात (Pune) आयोजित एका कार्यक्रमात ते बोलत होते.

याचवेळी त्यांनी राज्यातील सहकार क्षेत्रावरही भाष्य केलं. ''सहकारी बँका उभारण्यात महाराष्ट्राचं मोठं योगदान आहे. देशातील 60 टक्के सहकार महाराष्ट्रात आहे. सहकारात महाराष्ट्र आणि गुजरात अग्रेसर आहे. सहकारी बँकांनी पुढे आलं पाहिजे. सहकार जगलाच पाहिजे. 'एनपीए' बँकांचं आरोग्य दर्शवतं. 'कर्ज देताना कर्जफेडीची क्षमताही तपासावी', अशी भुमिकाही त्यांनी मांंडली.

हे देखील पहा-

दरम्यान यावेळी त्यांनी माजी गृहमंत्री अनिल देशमुख यांच्यासह राज्यभरातील अनेक घडामोडींवर भाष्य केले. महाराष्ट्रात एवढ्या ईडीच्या केसेस यापुर्वी कधीही पाहिल्या नव्हत्या. विरोधकांना नमवण्यासाठी केंद्रसरकार अंमलबजावणी संचलनालयाचा (ईडी) वापर करत आहे. एकनाथ खडसे, अनिल देशमुख, अनिल परब, प्रताप सरनाईक यांच्या विरोधात ईडीच्या कारवाया सुरू आहेत. ठिक आहे. काळ येतो आणि जातो. काळ जाईल तेव्हा त्यात दुरुस्त्या होतील, अशा शब्दातं त्यांनी केंद्रसरकारला इशाराच दिला.

Sharad Pawar: यापुढे गर्दी जमणारे कार्यक्रम स्विकारणार नाही
बाप्पाच्या मूर्तींनाही इंधनाची झळ

तसेच, ईडीच्या या कारवायांचा मुद्दा आपण संसदेत मांडणार असल्याचंही यावेळी शरद पवार यांनी जाहीर केलं. याबाबत बोलताना पवार म्हणाले, “गैरव्यवहार प्रकरणी तपास करण्यासाठी आपल्या देशात आयोग आहेत. त्यांच्याकडे किंवा राज्य सरकारचं गृह खात्याकडे याबाबत तक्रार केली जाऊ शकते. राज्याकडे तपासाची यंत्रणा असताना ईडीनं ईडीने त्या संस्थामध्ये हस्तक्षेप करणं हे राज्यांच्या अधिकारांवर गदा आणण्यासारखं आहे. त्यामुळे संसदेच्या आगामीअधिवेशनात आपण या गोष्टी मांडणार असल्याचं यावेळी शरद पवार यांनी यावेळी नमूद केलं.

Edited By- Anuradha

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com