Sharad Pawar: इंदापूर शहरातील एका हॉस्पिटलच्या उद्घाटनप्रसंगी बोलताना राष्ट्रवादी काँग्रेसचे अध्यक्ष शरद पवार यांनी तुफान फटकेबाजी केली. यावेळी बोलताना पवार म्हणाले, मला आता सर्वकाही व्यवस्थित दिसतंय, त्यामुळे कोण काय करतंय हे सांगायची आणि माहिती घ्यायची गरज पडत नाही.
या कार्यक्रमात भाषण करताना पवार म्हणाले, काही महिन्यांपूर्वी माझ्या दोन्ही डोळ्यांना दिसण्यासंदर्भात प्रश्न निर्माण झाला होता. मात्र मी डॉक्टरांना भेटलो. डॉक्टरांनी सांगितलं की दोन्ही डोळ्यांचे ऑपरेशन करायची गरज आहे. मी त्यांना म्हटलं आत्ताच करून टाका.
पण डॉक्टर म्हणाले की एकदम तुमच्या दोन्ही डोळ्यांचे ऑपरेशन करता येणार नाही. तुमचे दोन्ही डोळे बंद ठेवणे हे महाराष्ट्राच्या दृष्टीने चांगले होणार नाही. त्यामुळे तुमचा एक तरी डोळा उघडा ठेवला पाहिजे. पवारांच्या या शाब्दिक कोटीमुळे उपस्थितांमध्ये चांगलाच हशा पिकला. (Latest Marathi News)
पुढे बोलताना पवार म्हणाले, डॉक्टरांनी सांगितले की पाळीपाळीने आम्ही तुमच्या डोळ्यांचे ऑपरेशन करू. आता एक ते दीड महिन्याच्या कालावधीमध्ये दोन्ही डोळ्यांचे ऑपरेशन केले. त्यांनी डोळ्यात नक्की काय बसवलं हे मला माहित नाही. परंतु मला आता सर्वकाही व्यवस्थित दिसतं, त्यामुळे कोण काय करतं हे सांगायची आणि माहिती घ्यायची गरज पडत नाही. पवारांच्या या वाक्यानतंर पुन्हा एकदा कार्यक्रमात जोरदार हशा पिकला. (Latest Political news)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.