Rasta Roko Andolan : कांदा प्रश्नी शेतकरी संघटना आक्रमक; नगर - कल्याण महामार्गावर छेडलं रास्ता राेकाे आंदाेलन

जुन्नर : नगर - कल्याण महामार्गावर ओतुर येथे जुन्नर तालुका शेतकरी संघटना आणि महाराष्ट्र राज्य कांदा उत्पादक शेतकरी संघटनेच्या वतीने कांदा प्रश्नी विविध मागण्यांसाठी रास्ता रोको आंदोलन करण्यात आले. या आंदाेलनामुळं महामार्गावरील वाहतुक (traffic) काही काळ विस्कळीत झाली हाेती.

कांद्यावरील निर्यात बंदी कायमची उठवावी, सी रंगराजन समितीनुसार बाजारभाव मिळावा, सरकारच्या चुकीच्या धोरणामुळे खराब झालेल्या कांद्याची नुकसान भरपाई प्रति किलो तीस रुपये बाजारभाव मिळावा, तसेच शेतकऱ्यांना मागील हंगामातील पीक कर्जाच्या व्याजासह भरणा केलेल्या व्याजाचा परतावा मिळावा या मागण्यांसाठी हे आंदाेलन छेडण्यात आलं हाेते.

यावेळी आंदाेलकांनी राज्य तसेच केंद्र सरकारच्या विरोधात जोरदार घोषणा दिल्या. तसेच पंतप्रधान नरेंद्र मोदी, केंद्रीय कृषिमंत्री नरेंद्रसिंह तोमर, मुख्यमंत्री एकनाथ शिंदे, उपमुख्यमंत्री देवेंद्र फडणवीस, कृषीमंत्री अब्दुल सत्तार यांच्या प्रतिमेला सडक्या कांद्याचा हार घातला. या आंदाेलनामुळे महामार्गावरील वाहतुक काही काळ विस्कळीत झाली हाेती.

Edited By : Siddharth Latkar