Eknath Shinde : अंगावर आले तर शिंगावर घ्या; मुख्यमंत्री एकनाथ शिंदेंचं मोठं विधान

शिंदे गटातील आमदारांची सुरक्षा वाढवण्यात येणार आहे.
Eknath Shinde
Eknath Shinde saam tv

मुंबई : मुख्यमंत्री एकनाथ शिंदे (Eknath Shinde) यांच्या गटातील आमदार उदय सामंत यांच्या गाडीवर मंगळवारी हल्ला झाला. पुण्यातील कात्रजमध्ये शिवसैनिकांकडून (Shivsena) हा हल्ला करण्यात आला. या हल्ल्यात सामंत यांच्या गाडीची मागची काच फुटली. दरम्यान, अंगावर आलेत तर शिंगावर घ्या असं विधान मुख्यमंत्री एकनाथ शिंदे यांनी आमदारांसोबत बोलताना केलं असल्याची माहिती आहे. (CM Eknath Shinde News)

Eknath Shinde
Maharashtra Politics News : शिंदे सरकारचं काय होणार? कायदेतज्ज्ञ उज्ज्वल निकम म्हणतात...

मुख्यमंत्री एकनाथ शिंदे यांनी आपल्या गटातील आमदारांसोबत आज चर्चा केली या चर्चेत त्यांनी हे विधान केलं असल्याची माहिती आहे. शिंदे गटातील आमदार उदय सामंत यांच्या गाडीवरील हल्ल्यानंतर आज मंत्रिमंडळाच्या बैठकीत चर्चा करण्यात आली.

या चर्चेनंतर मंत्रिमंडळाच्या बैठकीत महत्त्वाचा निर्णय घेण्यात आला आहे. उदय सामंत यांच्यावरील हल्ल्यानंतर आता शिंदे गटातील आमदारांची सुरक्षा वाढवण्यात येणार आहे. आधीच या आमदारांना वाय प्लस सुरक्षा देण्यात आली आहे. आता त्या सुरक्षेत अजून वाढ होण्याची शक्यता आहे. (Eknath Shinde vs Uddhav Thackeray)

Eknath Shinde
शिंदे गटाला विलीन व्हावंच लागणार? शिवसेनेचे वकील कोर्टात काय म्हणाले? वाचा...

मुंबई पोलीस आयुक्त आणि पोलीस महासंचालकांना तसे निर्देश देण्यात आले आहेत. दरम्यान, उदय सामंत यांच्या गाडीवरील हल्ला प्रकरणात पुणे कोर्टानं पाच जणांना तीन दिवसांची पोलीस कोठडी सुनावली आहे. यामध्ये शिवसेना हिंगोली जिल्ह्याचे संपर्कप्रमुख बबन थोरात, पुणे शहराध्यक्ष संजय मोरे यांचाही समावेश आहे.

उदय सामंत यांच्या गाडीवर झालेला हल्ला एकनाथ शिंदे आणि उद्धव ठाकरे यांच्यामधील दरी अधिक वाढवणारा ठरण्याची शक्यता आहे. कारण या हल्ल्यानंतर आता दोन्ही बाजूच्या नेत्यांकडून एकमेकांवर टीका आणि आरोप-प्रत्यारोप केले जात आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com