Shinde vs Thackeray : शिंदे गट आदित्य ठाकरेंना मोठा धक्का देण्याच्या तयारीत

शिवसेना एकनाथ शिंदे गट युवासेनाप्रमुख आदित्य ठाकरे यांना एक मोठा धक्का देण्याच्या तयारीत आहे.
eknath shinde and aaditya thackeray
eknath shinde and aaditya thackeray saam tv

मुंबई : राज्याच्या राजकीय वर्तुळातून एक मोठी बातमी समोर आली आहे. शिवसेना एकनाथ शिंदे गट युवासेनाप्रमुख आदित्य ठाकरे (Aaditya Thackeray) यांना एक मोठा धक्का देण्याच्या तयारीत आहे. युवासेनेचे काही पदाधिकारी शिंदे गटात जाणार असल्याची माहिती खात्रीलायक सूत्रांकडून मिळाली आहे. युवासेना सहसचिवांनी आज मुख्यमंत्री एकनाथ शिंदे यांची भेट घेतली. या भेटीनंतर लवकरच ते आता शिंदे गटात प्रवेश करणार असल्याची माहिती आहे.

eknath shinde and aaditya thackeray
Supriya Sule : शिवरायांचा अपमान खपवून घेणार नाही; खासदार सुप्रिया सुळेंचा इशारा

एकनाथ शिंदे (Eknath Shinde) यांनी जवळपास ४० हून अधिक आमदारांसह बंड केल्यानंतर शिवसेनेत मोठी फूट पडली. सुरूवातील आमदार त्यानंतर खासदार, नंतर नगरसेवक तसेच शिवसेनेच्या पदाधिकाऱ्यांनी शिंदे गटाची वाट धरली. त्यामुळे शिवसेनेला मोठी गळती लागली. इतकंच नाही तर या बंडामुळे राज्यातील राजकारणात सुद्धा मोठी उलथापालथ झाली.

दरम्यान, आता शिवसेनेपाठोपाठ आदित्य ठाकरे यांच्या युवासेनेलाही मोठी गळती लागण्याची दाट शक्यता आहे. सूत्रांकडून मिळालेल्या माहितीनुसार, युवासेना महाराष्ट्र प्रदेश सहसचिव शर्मिला येवले यांनी आज राज्याचे मुख्यमंत्री एकनाथ शिंदे यांची वर्षा या शासकीय निवासस्थानी भेट घेतली आहे.  (Latest Marathi News)

eknath shinde and aaditya thackeray
Mumbai Local : मुंबईकरांसाठी महत्वाची बातमी; अखेर कर्नाक पूल पाडला, मध्य रेल्वेची वाहतूक सुरू

या भेटीनंतर लवकरच ते शिंदे गटात प्रवेश करणार असल्याची खात्रीलायक माहिती सूत्रांनी साम टीव्हीला दिली आहे. विशेष म्हणजे युवासेना महाराष्ट्र प्रदेश सहसचिव यांनी कालच पत्रकार परिषद घेतली होती. या पत्रकारपरिषदेत त्यांनी आम्हाला ठाकरे गटामध्ये कामासाठी संधी मिळत नाही, असं म्हटलं होतं. दरम्यान, आज युवासेना सहसचिवांनी मुख्यमंत्री एकनाथ शिंदे यांची भेट घेतल्याने आता युवासेनेतही फूट पडणार का?, अशा चर्चांना उधाण आलं आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com