मुंबई: एकनाथ शिंदे यांनी (Eknath Shinde) बंड केल्यानंतर राज्यातील राजकीय घडामोडींना वेग आला आहे. महाविकास आघाडी सरकार अल्पमतात आल्यानं राज्यपालांनी मुख्यमंत्री उद्धव ठाकरे (Uddhav Thackeray) यांना फ्लोअर टेस्ट म्हणजेच बहुमत चाचणी करा, असं पत्र दिलं आहे. दरम्यान, एकीकडे मुख्यमंत्री उद्धव ठाकरे हे एकनाथ शिंदे यांच्यासह बंडखोर आमदारांना भावनिक आवाहन करत असतानाच, दुसरीकडे संजय राऊत (Sanjay Raut) यांनी एक वादग्रस्त विधान केलं आहे. शिवसेनेशी गद्दारी करणाऱ्यांनी कामाठीपुऱ्यात जावं असं संजय राऊत यांनी म्हटलं आहे. (Sanjay Raut Latest Marathi News)
शिवसेना खासदार संजय राऊत यांनी मंगळवारी अलिबाग येथे शिवसैनिकांना संबोधित केलं. राज्यातील सत्तासंघर्षांच्या पार्श्वभूमीवर पर्यटन मंत्री आदित्य ठाकरे आणि संजय राऊत यांना मेळाव्यांमध्ये मार्गदर्शन करणं सुरु ठेवलं आहे. आज अलिबागमध्ये संजय राऊत यांनी कुणीतरी माझा उल्लेख अलिबागचा पुत्र असा केलाय, असं म्हटलं.
दि.बा. पाटील हे मोठे नेते होते, बाळासाहेब ठाकरे यांचे सहकारी होते. आपल्याला या सभेनंतर कार्यक्रम करायचा आहे. करेक्ट कार्यक्रम म्हणतात ना आपल्याला तसं करायचंय. शिवसैनिक जागेवर आहेत, आमदार वॉकरवर गुवाहाटीला चालतात, असा टोला संजय राऊत यांनी महेंद्र दळवींना लगावला.
यावेळी बोलताना संजय राऊत यांनी शिवसेनेशी गद्दारी करणाऱ्यांना कामाठीपुऱ्यात जाण्याचा सल्ला दिला 'शिवसेनेसोबत बंडखोरी करणाऱ्या आमदारांचा दलाल म्हणून उल्लेख करीत पैशासाठी आले आणि पैशासाठी गेले, ह्याच्या पेक्षा कामाठीपुर्यात गळ्यात बोर्ड लाऊन उभे राहा' असा बोचरा सल्ला राऊत यांनी अलिबागमध्ये बोलताना बंडखोर आमदारांना दिला.
दरम्यान, शिंदे यांच्या बंडामुळे महाविकास आघाडी सरकारचं बहुमत कमी झालं आहे. त्यातच देवेंद्र फडणवीस यांनी राज्यपालांना भेटून या सत्तासंघर्षात एंट्री केली आहे. फडणवीस यांनी राज्यपालांची भेट घेतली. त्यानंतर त्यांनी बहुमत सिद्ध करण्याची मागणी केली आहे. अशातच एकनाथ शिंदे यांनी आपण उद्याच मुंबईत येणार असल्याचं स्पष्ट केलं आहे. त्यामुळे उद्या राज्यपाल हे फ्लोअर टेस्टची मागणी करू शकतात.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.