मुंबई : मनी लाँडरिंग प्रकरणात ईडीच्या (ED) अटकेत असलेले शिवसेनेचे (Shivsena) खासदार संजय राऊत (Sanjay Raut) यांना आजही दिलासा मिळालेला नाही. संजय राऊत यांना आज जामीन मिळू शकलेला नाही. त्यांचा ईडी कोठडीतील मुक्काम आणखी वाढला आहे. त्यांच्या ईडी कोठडीत ८ ऑगस्टपर्यंत वाढ करण्यात आली आहे. (Sanjay Raut ED Custody Latest News)
पत्राचाळ प्रकरणामध्ये ईडीने शिवसेना खासदार संजय राऊत यांना ३१ ऑगस्ट रोजी अटक केली होती. जवपास १४ तासांच्या चौकशीनंतर ईडीने त्यांना ताब्यात घेतलं होतं. त्यानंतर त्यांना ईडीच्या विशेष कोर्टात हजर करण्यात आलं असता, कोर्टाने ३ दिवसांची कोठडी सुनावली होती. आज कोठडी संपल्यामुळे पुन्हा एकदा संजय राऊत यांना विशेष ईडी कोर्टात हजर केले.
कोर्टात येताना संजय राऊत हे शिवसेनेचे धनुष्यबाण चिन्ह असलेला भगवा रूमाल घालून आले होते. त्यानंतर राऊतांच्या प्रकरणावर सुनावणी सुरू झाली. ईडीने कोर्टात संजय राऊत यांची १० ऑगस्टपर्यंत कोठडी वाढवून देण्याची मागणी केली. अलिबाग येथे जमिन घेतली तेव्हा जमिन मालकाला १.१७ कोटी रुपये रोख दिल्याचे ईडीने तपासात उघड झाल्याचं सांगितलं. (Sanjay Raut Todays News)
५ ऑगस्टला या प्रकरणी काही जणांना समन्स बजावले आहेत. त्यांची चौकशी करायची आहे. जे काही व्यवहार संजय राऊत यांच्या खात्यावरून झालेले आहेत, त्याची पडताळणीदेखील करायची आहे, असे ईडीतर्फे कोर्टात सांगण्यात आले. दरम्यान, कोर्टाने ईडीची मागणी मान्य करत संजय राऊत यांना ८ ऑगस्टपर्यंत ईडी कोठडी सुनावली आहे.
यादरम्यान संजय राऊत यांचे वकील मनोज मोहिते यांनी ईडीवर गंभीर आरोप केले. अनोळखी व्यक्तीकडून त्यांना पैसे मिळाले तसेच अलिबाग येथील जमिनीच्या खरेदी प्रकरणाचा उल्लेख करण्यात आलेला आहे. यात रोख रकमेचा वापर करण्यात आल्याचा ईडीचा आरोप आहे. मात्र हे आरोप नवे नाहीत. याआधीही या आरोपांप्रकरणी चौकशी झालेली आहे. मात्र ईडीकडून दबाव आणला जात आहे, धमकावले जात आहे, असे मनोज मोहिते यांनी म्हटलं.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.