Sanjay Raut : भाजपचं सावरकरांविषयी एवढं प्रेम उफाळून आलं असेल तर.., संजय राऊतांचं थेट चॅलेंज

शिवसेना (उद्धव बाळासाहेब ठाकरे पक्ष) खासदार संजय राऊत यांनी पुन्हा एकदा स्वातंत्र्यवीर सावरकरांच्या मुद्द्यावरून भाजपला लक्ष केलं आहे.
Devendra Fadnavis Vs Sanjay Raut,
Devendra Fadnavis Vs Sanjay Raut, Saam TV

Sanjay Raut Latest News : शिवसेना (उद्धव बाळासाहेब ठाकरे पक्ष) खासदार संजय राऊत यांनी पुन्हा एकदा स्वातंत्र्यवीर सावरकरांच्या मुद्द्यावरून भाजपला लक्ष केलं आहे. देशातील महापुरूषांवर होणारी चिखलफेक थांबवा, पंडित नेहरू होते म्हणून हा देश निर्माण झाला आहे. आमचं सावरकरांवर प्रेम आहेच, पण भाजपचं सावकरकरांविषयी एवढं प्रेम उफाळून आलं असेल तर त्यांनी सावरकरांना भारतरत्न द्या, असं म्हणत संजय राऊतांनी भाजपला चांगलचं सुनावलं आहे. (Latest Marathi News)

Devendra Fadnavis Vs Sanjay Raut,
Maharashtra Politics : मुख्यमंत्री शिंदे लवकरच माजी होणार; सामनातून गुवाहाटी दौऱ्यावर सडकून टीका

काय म्हणाले संजय राऊत?

शिवसेना खासदार संजय राऊत (Sanjay Raut) यांनी नेहमीप्रमाणे मुंबईत माध्यमांशी संवाद साधला. यावेळी त्यांनी सावरकरांच्या मुद्द्यावरून पुन्हा एकदा भाजपवर टीकास्त्र सोडलं. या देशातील कोणत्याही महान नेत्याचा अपमान होऊ नये, ज्याने स्वातंत्र्य लढ्यामध्ये एक योगदान दिलं आहे, देशाच्या विकासामध्ये योगदान दिलं आहे. मग ते पंडित नेहरू असतील, डॉ. बाबासाहेब आंबेडकर असतील, सरदार पटेल असतील, वीर सावरकर असतील, जे नेते आज जिवंत नाही त्यांची बाजू मांडायला, त्यांची भूमिका मांडायला त्यांच्यावर चिखलफेक करून राजकारण कसलं करताहेत, असा सवाल संजय राऊत यांनी उपस्थित केला.

Devendra Fadnavis Vs Sanjay Raut,
Baba Ramdev : अखेर बाबा रामदेव यांनी मागितली महिलांची माफी; म्हणाले, माझ्या वक्तव्याचा...

पुढे बोलताना संजय राऊत म्हणाले, आमचं तर स्वातंत्र्यवीर सावरकरांवर प्रेम आहेच, पण भाजपचं सावरकरांविषयी एवढं प्रेम उफाळून आलं असेल, तर, मग त्यांनी सावरकरांना भारतरत्न द्यावं आणि मग इंडिया गेटजवळ नेताजी सुभाषचंद्र बोस यांचा भव्य पुतळा उभारलेला आहे. त्यांच्या बाजूला वीर सावरकरांचा पुतळा का उभारला नाही, कर्तव्यपद निर्माण केलेलं आहे, लावा सावरकरांचा पुतळा, आम्ही येतो तुमचं स्वागत करायला, पण नाही वीर सावरकरांच्या नावाने यांना (भाजपला) राजकारण करायचं आहे. असं म्हणत संजय राऊतांनी भाजपवर जोरदार टीका केली आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com