मोठी बातमी! राऊतांना घेऊन ईडीचं पथक जे.जे रुग्णालयाकडे रवाना; वैद्यकीय तपासणी होणार

संजय राऊत यांना जेल की बेल हे काही वेळातच स्पष्ट होणार आहे.
Sanjay Raut Todays news
Sanjay Raut Todays news Saam TV

मुंबई : शिवसेना (ShivSena) खासदार संजय राऊत (Sanjay Raut) यांना पत्राचाळ घोटाळ्याप्रकरणात ईडीने रविवारी रात्री अटक केली. दरम्यान, आज त्यांना घेऊन ईडीचे पथक जे.जे रुग्णालयाकडे रवाना झालं आहे. राऊत यांची जे.जे रुग्णालयात वैद्यकीय तपासणी केली जाणार आहे. कदाचित तपासणी झाल्यानंतर राऊत यांना थेट न्यायालयात नेलं जाणार आहे. त्यामुळे संजय राऊत यांना जेल की बेल हे काही वेळातच स्पष्ट होणार आहे. (Sanjay Raut Latest News)

Sanjay Raut Todays news
Raj Thackeray : राऊतांविषयी केलेलं राज ठाकरेंचं ते भाकीत खरं ठरणार? चर्चांना उधाण

संजय राऊत यांना ईडीने अटक केली आहे. तब्बल 15 तासांच्या चौकशीनंतर ईडीने रविवारी रात्री राऊतांना ताब्यात घेतलं आहे. पत्राचाळ घोटाळ्याप्रकरणी राऊतांवर ही कारवाई करण्यात आली आहे. यावेळी ईडीने राऊत यांच्या घरातून 11 लाख 50 हजार रुपयांची रोख रक्कम जप्त देखील जप्त केली आहे. दरम्यान, अटक झाल्यानंतर आज त्यांना वैद्यकीय तपासणीसाठी मुंबईच्या जे.जे रुग्णालयात नेण्यात आलं आहे. वैद्यकीय तपासणी झाल्यानंतर त्यांना थेट ईडीच्या कोर्टात नेणार असल्याची माहिती आहे. त्यामुळे राऊतांना आज जेल मिळणार की बेल हे काही वेळातच स्पष्ट होईल.

राऊत म्हणाले..., 'झुकेगा नही'

ईडीची धाड पडल्यानंतर अटक होणार असल्याची राऊत यांना कुणकुण लागली होती. यावेळी त्यांनी झुकणार नाही, असं ट्विट केलं होतं. शिवसेना प्रमुख बाळासाहेब ठाकरे यांची शपथ घेऊन सांगतो मी काहीच चुकीचं केलं नाही, असं ते म्हणाले होते. आजही जेजे रुग्णालयात आणल्यावर त्यांनी महाराष्ट्रात काय चाललंय हे आपण पाहतच आहात. पण आम्ही झुकणार नाही, असं राऊत म्हणाले.

Sanjay Raut Todays news
घात झाला दिघे साहेब घात झाला ! खा. राजन विचारे यांचे आनंद दिघेंना भावनिक पत्र

राऊतांविषयी केलेलं राज ठाकरेंचं ते भाकीत खरं ठरणार?

संजय राऊत यांना अटक झाल्यानंतर मनसे अध्यक्ष राज ठाकरे यांनी केलेलं एक जुनं विधान सध्या सोशल मीडियावर व्हायरलं झालं आहे. संजय राऊत यांनी आता एकांतात बोलण्याची प्रॅक्टिस करावी असं भाकीत राज ठाकरे यांनी केलं होतं. मार्च महिन्यात मनसे अध्यक्ष राज ठाकरे हे एका कार्यालयाच्या उद्घाटनला दिवा शहरात आले होते.

यावेळी पत्रकारांनी राज ठाकरेंना संजय राऊत यांच्या वक्तव्यावर प्रतिक्रिया विचारली होती. 'आमचं राजकारण मिमिक्रीवर चालत नाही', असं संजय राऊत म्हणाले होते. त्यावर 'आता त्यांनी एकांतात बोलण्याची प्रॅक्टिस करावी,' असं उत्तर राज ठाकरे यांनी दिलं होतं.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com