मुंबई : पंतप्रधान नरेंद्र मोदी(Narendra Modi) उद्या मुंबई दौऱ्यावर आहेत. मोदींच्या मुंबईत दौऱ्यात त्यांच्या हस्ते अनेक विकासकामांचं भूमिपूजन आणि उदघाटन होणार आहे. मात्र मोदींच्या या दौऱ्याच्या पार्श्वभूमीवर ठाकरे गट सातत्याने शिंदे-फडणवीस सरकारवर टीका करत आहे.
महाविकास आघाडी आणि शिवसेना सत्तेत असताना बीएमसीने केलेल्या मुंबईतील विकास कामांचं श्रेय शिंदे-फडवणवीस सरकार घेत असल्याचा आरोप ठाकरे गटाकडून होत आहे. (Latest Marathi News)
एकीकडे ठाकरे गटाकडून टीका होत असताना शिवसेनेचं मुखपत्र असलेल्या सामनामध्ये मोदींच्या मुंबई दौऱ्याची भलीमोठी जाहिरात छापण्यात आली आहे. सामनामध्ये मुख्य पानावर पानभरून ही जाहिरात आलेली आहे.
ठाकरे गटाकडून पंतप्रधान नरेंद्र मोदी यांच्या दौऱ्यावर टीका केली जात होती. शिवसेनेने (ठाकरे गट) जी काम केली त्या कामांच भूमिपूजन पंतप्रधान करणार आहेत, अशी टीका ठाकरे गटाकडून करण्यात येत आहे. यानंतर देखील शिवसेनेच्या मुखपत्रात पानभरून जाहिरात छापली आहे. त्यामुळे राजकीय वर्तुळात हा चर्चेचा विषय बनला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
